खिमराज चालिसे, चंडिगढ ।
भारतको हरियाणा राज्यको हिसारमा फुटपरस्त तत्वहरुको कथित एकता समाजको नगर समितिबाट नगर कोषाध्यक्ष रुपेश बराम र नगर सदस्य हरि थापाले विद्रोह गर्नुभएको छ । उहाँहरु दुवैजना मूल प्रवाह अखिल भारत नेपाली एकता समाजमा प्रवेश गर्नुभएको छ ।
रुपेश बराम र हरि थापा दुवैजनाले बेग्लाबेग्लै विज्ञप्ति निकाली केही समय पहिला मूल प्रवाह एकता समाजको नाम लिएर समिति पुनर्गठन गर्ने भ्रम सिर्जना गरि आफूलाई फुटपरस्तहरुले समितिमा राखेको बताउनुभएको छ ।
विज्ञप्तिमा ‘फुटपरस्तहरुको सैद्धातिक र व्यवहार हेर्दा त्यो संगठनले नेपालीहरुको उन्नति प्रगति भन्दा आफ्नो स्वार्थको लागि काम गरेको’ उल्लेख छ ।
फुटपरस्तहरुको कथित आठौं अखिल भारत सम्मेलन पछि भ्रममा रहेका भारतभरीका धेरै साथीहरु मूल प्रवाहको सम्पर्कमा रहेको र छिट्टै उनीहरुले विद्रोह गर्ने तयारीमा रहेको मूल प्रवाहले जनाएको छ ।
