टुकबहादुर रामदाम, मस्कट ।
२०८० सालको तिजको अवसरमा नेपाली महिला समूह ओमानले तिज धमाका २०२३ सहित तिजी कार्यक्रम सम्पन्न गरेको छ ।
सेप्टेम्बर १५, २०२३ सुक्रबारका दिन राजधानी मस्कटको कुरुमस्थित जङ्गल रेस्टुरेन्टमा सो कार्यक्रम सम्पन्न भएको हो ।
कार्यक्रममा प्रमुख अतिथि नेपाली राजदूताबास ओमानका द्वितीय सचिव विशेषकुमार शाह विशेष अतिथि श्रम सहचारी गोविन्द आचार्यका साथै ओमानमा कृयाशील विभिन्न सङ्घसंस्थाका प्रतिनिधि, समाजसेवीहरू अतिथि रहनु भएको थियो ।
सो कार्यक्रममा सभा अध्यक्ष महिला समूह ओमानकी अध्यक्ष मादी गुरुङ हुनुहुन्थ्यो भने समाजकी महासचिव गोमा मगरले कार्यक्रमको सञ्चालन गर्नु भएको थियो ।
स्थानीय कलाकारहरूको बेजोड प्रस्तुति रहेको सो कार्यक्रममा मस्कटमा रहने नेपालीको उल्लेखनीय उपस्थिती थियो भने मस्कटभन्दा बाहिरका सुर, सोहार निजुवादेखि पनि नेपाली दाजुभाइ, दिदिबहिनीहरूको बाक्लो उपस्थिति रहेको थियो ।
साङ्गीतिक प्रस्तुति दिई कार्यक्रमलाई सफल पार्नुहुने कलाकार, आर्थिक नैतिक एवम् भौतिक सहयोग प्रदान गर्नु हुने सहयोगी दाताहरूलाई कार्यक्रममा हार्दिक आभार व्यक्त सहित समान गरिएको थियो ।
fbt
