दाङ । दाङको गढवामा अखिल (छैठौं) को पालिकास्तरीय भेला सम्पन्न भएको छ ।
केन्द्रीय सदस्य तथा दाङ जिल्ला इन्चार्ज रिसव आचार्यको प्रमुख आतिथ्यमा २०८० भदौ ३० गते शनिबार उक्त भेला सम्पन्न भएको हो ।
भेलालाई सम्बोधन गर्दै आचार्यले विद्यार्थीहरूले आफ्नो हकअधिकार प्राप्तिको निम्ति आफै सङ्घर्ष गर्नुपर्ने र त्यसको अभिभावकत्व अखिल (छैठौं) ले ग्रहण गर्ने बताउनुभयो ।
कार्यक्रममा राष्ट्रिय जनमोर्चाका जिल्ला सदस्य नवराज शर्माले पनि शुभकामना मन्तव्य राख्नुभएको थियो ।
भेलामा अखिल (छैठौं) जिल्ला सदस्य अशोक बेलबासे र प्रमिला योगीको पनि आतिथ्य रहेको थियो ।
भेलाले केशरी शर्मा अध्यक्ष रहनुभएको अखिल (छैठौं) ११ सदस्यीय पालिकास्तरीय समिति गठन गरेको छ ।
समितिको उपाध्यक्षमा रबिन अधिकारी, सचिवमा सिद्धार्थ सुवेदी, सहसचिवमा मनिषा उपाध्याय र कोषाध्यक्षमा प्रमिला योगी रहनुभएको छ ।
त्यस्तै, सदस्यहरूमा पुष्पा धिताल, वन्दना यादव, शरद खड्का, विष्णु कँुवर, मन्सु घर्तीमगर र अन्जु कुमाल रहनुभएको छ ।
भेला जिल्ला सदस्य केशरी शर्माको अध्यक्षता तथा सिद्धार्थ सुवेदीको सञ्चालनमा सम्पन्न भएको थियो ।
राप्तीमा भेला आयोजक समिति
त्यस्तै, राप्ती गाउँपालिकामा अखिल (छैठौं) को भेला आयोजक समिति गठन गरिएको छ ।
ध्रुव बेलबासे संयोजक रहनुभएको उक्त समितिको सहसंयोजकमा अशोक खनाल तथा सदस्यहरूमा कुशल उपाध्याय, सुवास खनाल, ऋषि पौडेल, मणि पौडेल, सङ्गिता भैयामगर, नविन पोख्रेल र वाष्णा भण्डारी रहनुभएको छ ।
समितिले असोज २७ गतेभित्र भेला गर्नेसमेत निर्णय गरेको छ ।
कार्यक्रममा अखिल (छैठौं) का केन्द्रीय सदस्य तथा जिल्ला इन्चार्ज रिसव आचार्यले मन्तव्य राख्नुभएको थियो ।
सो अवसरमा केन्द्रीय सदस्य तथा जिल्ला अध्यक्ष सरिता पुन, राजमो जिल्ला सचिवालय सदस्य केशव खनाल, राजमो पालिका अध्यक्ष
ठाकुर आचार्य तथा शिक्षक नेता रामकृष्ण पौडेललगायतको उपस्थिति रहेको थियो ।
अखिल (छैठौं) ले असोज १२ र १३ गते राष्ट्रिय परिषद् बैठक तथा स्ववियु काउन्सिलको भेला त्रिभुवन विश्वविद्यालयमा आयोजना गरेको छ । त्यसैको पूर्वसन्ध्यामा तयारीकै क्रममा आर्थिक अभियान सँगसँगै सङ्गठन विस्तार अभियान पनि चलाएको अखिल (छैठौं) दाङ जिल्ला अध्यक्ष सरिता पुनले जानकारी दिनुभएको छ ।
