मेघराज रिस्मेली, जापान ।
जापान नेपाली एकता समाजले नेपाली महिलाहरुको महान पर्व तीज विभिन्न कार्यक्रम गरी मनाएको छ ।
एकता समाजमा आवद्ध महिलालाई समाजले सांस्कृतिक कार्यक्रम गरी प्रगतिशील रुपमा तीज पर्व मनाएको हो ।
वैदेशिक रोजगारी र अध्ययनका लागि जापान पुगेका नेपाली दिदीबहिनीहरूलाई एकता समाजको आयोजनामा दर खुवानुका साथै शुभकामना आदान प्रदान गरिएको थियो ।
जापान नेपाली एकता समाज क्षेत्रीय समिति कान्साईको आयोजनामा ओसाकाको योदोगावा स्थित ताजमहल रेष्टुरेन्टमा शुभकामना आदान प्रदान गरी तीज पर्व मनाइएको छ ।
कार्यक्रममा अन्तर्राष्ट्रिय नेपाली एकता समाजका उपाध्यक्ष हेमलाल गौतम र महिला नेत्री तुलसी खरेलले सम्पूर्ण नेपाली महिला दिदीबहिनीहरुलाई शुभकामना दिनुभएको थियो ।
यस्तै, जापान नेपाली एकता समाजका केन्द्रीय महासचिव तेजेन्द्र क्षेत्री, केन्द्रीय कोषाध्यक्ष छन्द सापकोटा, समाजका संस्थापक उपाध्यक्ष भीम केसी, महिला अगुवा देवका गौतम, ईन्दिरा क्षेत्री, रूपा सापकोटा, समाजका वरिष्ठ सल्लाहकार नन्दु शर्मा, केन्द्रीय उपाध्यक्ष गोपाल सापकोटा (गोबिन्द), र समाजसेवी मनि सुवेदीको आथित्यता रहेको थियो ।
कार्यक्रममा उपस्थिती महिला दिदीबहिनीहरूले मौलिक तीज गीत र नृत्य प्रस्तुत गरेका थिए । कार्यक्रममा कान्साईबासी नेपालीहरूको उपस्थिती रहेको थियो।
जापान नेपाली एकता समाज क्षेत्रीय समिति कान्साईका अध्यक्ष गोपालकृष्ण सापकोटाको अध्यक्षतामा सम्पन्न कार्यक्रममा समाजका उपाध्यक्ष भुवन सापकोटा (भेषराज) को स्वागत तथा सहसचिव मेघराज रिष्मेलीको सञ्चालनमा सम्पन्न भएको थियो।
यता, जापान नेपाली एकता समाज टोकियो क्षेत्रीय समिति कान्तोद्वारा तीजको शुभकामना आदान प्रदान तथा दर खुवाउने कार्यक्रम सेम्टेम्बर ११ सोमबार टोकियोको सिन्जुकुस्थित गिन्जा रेष्टुरेन्टको हलमा सम्पन्न भएको छ ।
कार्यक्रम एकता समाजका केन्द्रीय अध्यक्ष सालिकराम सापकोटाको प्रमुख आथित्यतामा सम्पन्न कार्यक्रममा केन्द्रीय उपाध्यक्ष डण्ड सापकोटा र केन्द्रीय सचिव धनराज गौतमको आतिथ्यता रहेको थियो ।
कार्यक्रममा उपस्थिती महिला दिदीबहिनीहरूले तीजका विभिन्न गीत र नृत्य प्रस्तुत गरेका थिए ।
कार्यक्रम जापान नेपाली एकता समाज क्षेत्रीय समिति कान्तोका अध्यक्ष नारायण कॅंडेलको अध्यक्षता, कान्तो सदस्य दयाराम सुवेदीको स्वागत मन्तव्य र महिला प्रतिनिधी सुमित्रा गौतमको सञ्चालनमा सम्पन्न भएको थियो।
