तौलिहवा । अखिल नेपाल महिला संघ शिवराज नगर समितिको आयोजनामा खरेन्द्रपुरमा प्रगतिशील तीज कार्यक्रम सम्पन्न भएको छ ।
कार्यक्रममा महिला दिदीबहिनीहरुले विभिन्न गीत तथा नृत्य प्रस्तुत गरेर रमाइलो गरेका थिए । तीज गीतमार्फत महिलाहरुले संघीयता र भष्टाचार र कुशासनको विरोध जनाउनुका साथै राष्ट्रियता झल्कने गीत गाएका थिए ।
त्यसक्रममा रक्तिम सांस्कृतिक अभियानका कलाकारले ‘एक बनौं लौ एक बनौं’ गीतले स्वागत गरेका थिए।
कार्यक्रममा अखिल नेपाल महिला संघका जिल्ला उपाध्यक्ष अम्बिका पौडेलले शुभकामना दिँदै महिलाहरु तीज मनाउने नाममा खानपिन र रमाइलोमा भुल्दै गएको बताउनुभयो । उहाँले अखिल नेपाल महिला संघले महिला हरुलाई सचेत बनाउँदै आफ्नो हक हितको लागि संघर्ष गर्न सिकाएको स्पष्ट पार्नुभयो ।
यस्तै, राष्ट्रिय जनमोर्चा जिल्ला समिति कपिलवस्तुका सचिव तथा अखिल नेपाल ट्रेड युनियन महासंघ (अन्टुक) का केन्द्रीय सदस्य केरसिंह अदैले कार्यक्रम सफलताको शुभकामना दिँदै हिन्दुहरुको चाड पर्व भड्किलो, खर्चिलो बन्दै गइरहेको हुँदा यसलाई प्रगतिशील दिशामा लैजान पार्टीले विशेष ध्यान दिँदै लगातार प्रगतिशील कार्यक्रम गर्दै आएको बताउनुभयो ।
अहिले गाउँघरमा महिनौंदेखि तीज मनाइरहेको र तीजको फेसनले समाजमा महिलाहरु विभाजित भएको बताउनुभयो । उहाँले अखिल नेपाल महिला संघ, शिवराज नगर समितिले प्रगतिशील कार्यक्रम गरेर महिलाहरुलाई र समाजलाई सचेत पार्ने काम गरेकोमा धन्यबाद दिनु भएको थियो ।
कार्यक्रममा रक्तिम सांस्कृतिक अभियानका केन्द्रीय वैकल्पिक सदस्य मानबहादुर नेपालीले पनि शुभ कामना व्यक्त गर्नु भएको थियो ।
कार्यक्रममा अखिल नेपाल महिला संघका जिल्ला सल्लाका तथा अखिल नेपाल महिला संघ नगर सदस्य इन्द्र कला खनाल, रक्तिम सांस्कृतिक अभियानका जिल्ला अध्यक्ष बेगम बुढा मगरको पनि आतिथ्यता रहेको थियो ।
अखिल नेपाल महिला संघका जिल्ला सहसचिव तथा शिवराज नगर समितिका अपाध्यक्ष बिनिता अदैको अध्यक्षता समपन्न कार्यक्रमको सञ्चालन मिना पोखरेल र स्वागत अखिल नेपाल महिला संघका जिल्ला सदस्य निर्मला सापकोटाले गर्नु भएको थियो ।
