हेम बिजी, चिदम्बरम ।
मूल प्रवाह अखिल भारत नेपाली एकता समाज चिदम्बरम नगर समिति अन्तर्गत कारैकाल एरिया समितिको चौधौं वार्षिक एरिया सम्मेलन सम्पन्न भएको छ ।
केन्द्रीय सदस्य जनकराज पौडेलको प्रमुख आतिथ्यतामा सम्पन्न सम्मेलनमा क्षेत्रीय सदस्य हेम बिजी, पाण्डीचेरी नगर सदस्य भद्र बहादुर जिसीको आतिथ्यता रहेको थियो ।
सम्मेलनको उदघाटन गर्दै पौडेलले मूल प्रवाह विरुद्ध अनुसासनविहीन फुटपरस्त तत्वहरुले सिद्धान्तहीन भ्रमहरु फैलाए पनि मूल प्रवाहको विचार र उद्देश्यले ति तत्वहरूलाई किनारा लगाउँदै जाने बताउनु भयो।
नेता पौडेलले देशको वर्तमान राजनैतिक परिस्थितिमा गणतन्त्र र राष्ट्रियताको रक्षा, संघियताको खारेजी र एमसीसी कार्यान्वयन विरुद्ध नेपाली जनताले आन्दोलन उठाउनु पर्ने विचार व्यक्त गर्नु भयो।
सो सम्मेलनलाई शुभकामना मन्तव्य दिनेहरुमा हिमबहादुर हमाल, महिला नगर विभागबाट दुर्गादेवि हमाल र भद्रबहादुर जिसी हुनु हुन्थ्यो।
सम्मेलनले नारायण शर्माको अध्यक्षतामा ७ पूर्ण र २ वैकल्पिक सदस्य रहेको नयाँ एरिया समिति चयन गरेको छ । जसमा उपाध्यक्ष रुद्रप्रसाद शर्मा, सचिव जीवराज पराजुली, सहसचिव पवित्रा शर्मा, कोषाध्यक्ष डिल्ली प्रसाद शर्मा, सदस्य हिमबहादुर हमाल, दुर्गादेवि हमाल, वैकल्पिक सदस्य तारानाथ शर्मा र विशाल पराजुली हुनु हुन्छ।
नव निर्वाचित समितिलाई केन्द्रीय सदस्य जनकराज पौडेल र क्षेत्रीय सदस्य हेम बिजीले बधाई दिनु भएको थियो।
नारायण शर्माको अध्यक्षता तथा रुद्रप्रसाद शर्माको सञ्चालनमा अघि बढेको भेलामा जीवराज पराजुलीले स्वागत गर्नु भएको थियो ।
