काठमाडौँ । अन्तर्राष्ट्रिय नेपाली एकता समाजले एम.सी.सी. विरोधी आन्दोलननप्रति ऐक्यबद्धता प्रकट गरेको छ ।
अध्यक्ष शक्तमान बुढाथोकीको हस्ताक्षरमा २०८० भदौ १५ गते शुक्रबार प्रेसवक्तव्य जारी गर्दै समाजले एक्यबद्धता प्रकट गरेको हो ।
समाजले एम.सी.सी. विरोधी आन्दोलनलाई विभिन्न किसिमले सहयोग पुर्याउन सम्पूर्ण नेपाली जनतासित पनि अपिल गरेको छ ।
यस्तो छ, प्रेसवक्तव्यको पूर्ण पाठ :
“नेपालमा गत वर्ष संसद्बाट एम.सी.सी. पारित गराइसकेपछि अहिले त्यसको कार्यान्वयन गर्न थालिएको छ । एम.सी.सी. राष्ट्रघाती सम्झौता भएकाले नेपालका देशभक्त जनताले त्यसका विरुद्ध सुरुदेखि सङ्घर्ष गर्दै आएका छन् ।
एम.सी.सी. सम्झौताबाट नेपालमा अमेरिकी साम्राज्यवादको चलखेल बढेर गएको छ र त्यसले देशको राष्ट्रियता, स्वतन्त्रता र सार्वभौमिकतालाई ठाडो चुनौती दिएको छ । नेपालको संविधानभन्दा एम.सी.सी. सम्झौता माथि भएकाले त्यसबाट देशमा अमेरिकी साम्राज्यवादी प्रभावलाई बढाएर लैजाने काम भएको छ ।
उक्त राष्ट्रघाती सम्झौताको विरोध गर्दै त्यसलाई खारेज गर्नका लागि नेपालका देशभक्ति जनताले चलाएको आन्दोलनलाई अन्तर्राष्ट्रिय नेपाली एकता समाजले दृढतापूर्वक समर्थन गर्दछ । त्यसका साथै उक्त आन्दोलनलाई विभिन्न किसिमले सहयोग पुर्याउनका लागि हामीले नेपाली जनतासित हार्दिक अपिल गर्दछौँ ।”
