काठमाडौं । काठमाडौंमा निर्माणाधीन भ्यू टावर अलपत्र छाडेर फरार मनोज भेटवालले प्रहरीसामु आत्मसमर्पण गरेका छन् । करोडौं ठगीको आरोप लागेका जलेश्वर स्वच्छन्द बिकोई बिल्डर्स प्रालिका सञ्चालक भेटवालले मंगलबार काठमाडौं महानगरीय प्रहरी परिसरमा आत्मसमर्पण गरेका हुन् ।
टेकुस्थित महानगरीय प्रहरी परिसर आएर उनले आत्मसमर्पण गरेको परिसर प्रवक्ता होविन्द्र बोगटीले जानकारी दिए । बैकिङ कसुर मुद्दामा पक्राउ पुर्जी जारी गरी म्याद थप गर्ने प्रहरीले जनाएको छ । भेटवाल ठगी गरेको आरोपमा प्रहरीको खोजी सूचीमा थिए। काठमाडौंको पूरानो बसपार्कमा बन्न लागेको भ्यू टावरका मुख्य ठेकेदार भेटवाल भागेर भारत पुगेका थिए।
डीएसपी बोगटीका अनुसार भेटवालमाथि अहिलेसम्म ७५ लाख १० हजार ठगी गरेको चन्द्र सिंह धामीले उजुरी गरेका छन् । तर उनले करोडौं ठगेको आशंका गरिएका छ । उनीविरुद्द सिआईबिमा समेत ठगिको जाहेरी परेको छ।
