चिदम्बरम (भारत) । मूल प्रवाह अखिल भारत नेपाली एकता समाज चिदम्बरम समितिको आयोजनामा अगस्त २९, २०८० शोकसभा सम्पन्न भएको छ ।

नगर महिला विभाग तथा सेतियातोप एरिया समिति सदस्य टीकाकुमारी गिरीको निधन भएको तेह्रौँ दिन सो कार्यक्रम सम्पन्न भएको हो ।

स्मृतिशेष टीकाकुमारी गिरीको सम्झनामा एक मिनेट मौनधारण तथा फोटोमा माल्यार्पणपश्चात प्रमुख अतिथि जनकराज पौडेलले शोक मन्तव्य राख्नुभएको थियो ।

शोकसभामा केन्द्रीय सदस्य चन्द्रकान्त शर्मा, भगवती कुँवर, बालाकृष्ण गायक, क्षेत्रीय सदस्य नारायण शर्मा, हेम बिजी, नगर सदस्य मेघराज शर्मा, नगर महिला विभागबाट खेमकुमारी जिसी, प्रेम पराजुलीलगायतले शोक मन्तव्य राख्नुभएको थियो ।

देवेन्द्र आचार्यको उद्घोषण तथा गोकुलबहादुर गायकको अध्यक्षतामा अघि बढेको उक्त कार्यक्रममा जीवन पराजुलीले स्वागत मन्तव्य राख्नुभएको थियो ।