बेलौरी । कञ्चनपुरको बेलौरी नगरपालिकामा टिपरको ठक्करबाट शनिबार एक बालकको मृत्यु भएपछि उत्पन्न तनाव आज सामान्य भएको छ । म १ ख ८४९ नम्बरको टिपरले ठक्कर दिँदा रिछाहाका आकाश राना थारुको मृत्यु भएपछि २ दिनदेखी तनावग्रस्त रहेको बेलौरी बजार आज सामान्य भएको छ ।

इलाका प्रहरी कार्यालय बेलौरीमा स्थानीयबासी, राजनीतिकदल, आफन्तसँग भएको छलफल पछि टिपर मालिक शुभम रावल र लक्ष्मी भण्डारीले मृतकका परिवारलाई ११ लाख रुपैयाँ क्षतिपुर्ती दिने सहमति भएपछि आन्दोलन स्थगित भएको राजमोका नेता नन्दु रानाले जानकारी दिनु भएको छ ।

मृतक बालक बेलौरीमा रहेको सनराज बोर्डिङ स्कुलमा कक्षा ६ मा अध्यनरत थिए । टिपर चालक भने फरार छन् । प्रहरीका अनुसार फरार चालकलाई पक्राउ गरी कानुनी कारबाही गरिनेछ ।