धनवीर पुन, नयाँदिल्ली ।
मूल प्रवाह अखिल भारत नेपाली एकता समाजअन्तर्गत रहेको महिला विभागले भारतका विभिन्न स्थानमा प्रशिक्षण कार्यक्रम सम्पन्न गरेको छ ।
राष्ट्रिय जनमोर्चाका केन्द्रीय सदस्य सरिता जिसीको उपस्थितिमा प्रशिक्षण कार्यक्रम सम्पन्न भएका हुन् ।
जिसीले हालसम्म दक्षिण भारतको नेल्लोर, चेन्नई, पान्डिचेरी, निलगिरी, बेङलोर, मध्यदक्षिण भारतको हैदरावाद, मध्यपश्चिम भारतको तारापुर, पश्चिम भारतको वापी पश्चिम, वापी पूर्व, सचिन र सुरतमा प्रशिक्षण सम्पन्न दिइसक्नुभएको छ ।
त्यस्तै, नेतृ जिसीले मध्यउत्तर भारतको भोपाल, पश्चिमोत्तरको रोहतक र भिवानीमा प्रशिक्षण दिएर सुदूर पश्चिमोत्तरको श्रीगङ्गानगर, भटिन्डा, हिसार, चन्डिगढ, डेराबस्सी, अम्बाला र रोपडमा प्रशिक्षणका लागि पुग्नुभएको छ ।
हाल उहाँको स्वास्थ्यमा समस्या देखा परेपछि उपचार चलिरहेको छ । उहाँको स्वास्थ्यमा सुधार आएपछि प्रशिक्षण कार्यक्रम अगाडि बढाइने जिसीले बताउनुभएको छ ।
मूल प्रवाह अखिल भारत नेपाली एकता समाजले आयोजना गरेको भारतव्यापी प्रशिक्षण कार्यक्रममा महिलाहरू अत्यन्तै उत्साहपूर्ण सहभागिता रहेको नेतृ जिसीले बताउनुभयो ।
अझै पनि महिलालाई सङ्कीर्ण भावनाबाट बाहिर ल्याउन निकै ठुलो कसरत गर्नुपर्ने, दर्शन र दृष्टिकोणमा स्पष्ट हुनुपर्ने आवश्यकता औल्याउनुभयो ।
भारतमा रहेका महिलालाई सङ्गठित गर्ने उदेश्यले मूल प्रवाहले सुरु गरेको महिला प्रशिक्षण कार्यक्रममा निरन्तरताको खाँचो रहेको पनि उहाँको भनाइ छ ।
