कञ्चनपुर । कञ्चनपुरको भीमदत्त नगरपालिकामा राष्ट्रिय जनमोर्चाको भेला सम्पन्न भएको छ ।
सोमबार महेन्द्रनगरमा भएको भेलाले मञ्जु परियारको अध्यक्षतामा १३ सदस्यीय नगर समिति गठन गरेको छ ।
समितिको उपाध्यक्षमा वीरबहादुर बुढा, सचिव शंकर रैकाल, सहसचिव प्रिया दमाई र कोषाध्यक्षमा सशी घर्तीमगर चयन हुनुभएको छ ।
यस्तै, सदस्यहरुमा पार्वती विष्ट, ईन्द्रलाल दमाई, चन्दा विक, करन दमाई, बलदेव श्रेष्ठ, पुरन चन्द, पूजा चौधरी रहनुभएको छ भने एक स्थान रिक्त राखिएको छ ।
भेलामा राजमो सुदूरपश्चिम प्रदेश समितिका सचिव राजाराम चौधरी, जिल्ला अध्यक्ष रामबहादुर कार्की र सचिव लालबहादुर कुँवरले सफलताको शुभकामना दिनुभएको थियो ।
राजमो कञ्चनपुरको जिल्ला सम्मेलन आगामी भदौ २५ र २६ गते बेलौरीमा हुँदैछ । सम्मेलन तयारीका क्रममा विभिन्न पालिकाहरुमा भेला, सम्मेलन तथा संगठन विस्तार भइरहेको राजमोले जनाएको छ ।
