खिमराज चालिसे, चन्डिगढ (भारत) ।
मूल प्रवाह अखिल भारत नेपाली एकता समाजका सदस्य जस्सासिंह सुनारको निधन भएको सातौँ दिनमा श्रद्धाञ्जली सभा सम्पन्न भएको छ ।
अगस्त १, २०२३ मङ्गलबारका दिन मूल प्रवाह पटियाला नगर समितिको आयोजनामा सो कार्यक्रम सम्पन्न भएको हो ।
कार्यक्रममा मूल प्रवाह सुदूर पश्चिमोत्तर क्षेत्रीय सदस्य एवम् नगर अध्यक्ष विष्णु भुुसाल, सङ्गरुर नगर समितिका धनबहादुर विक, पटियाला नगर समितिका शिवराज सुनार, रोहतक नगर समितिका मोहन नेपाली र जबुना नेपाली, मृतकका छोरा ओमप्रकाश सुनार,
छोरी रामकली सुनार, किसनबहादुर र रामबहादुर सुनारले शोकमन्तव्य राख्नुभएको थियो ।
श्रद्धाञ्जली सभा विण्णु सुनारको अध्यक्षता तथा अर्जुन विकको सञ्चालनमा सम्पन्न भएको थियो ।
स्मृतिशेष जस्सासिंह प्युठान जिल्ला गौमुखी गाउँपालिका वडा नं. ७ नारिकोट निवासी हुनुहुन्थ्यो । उहाँको मृत्यु जन्डिसका कारण भएको थियो ।
