धनवीर पुन, नयाँदिल्ली ।
भारत आन्ध्रप्रदेशको नेल्लोरमा मूल प्रवाह अखिल भारत नेपाली एकता समाजको आयोजना प्रशिक्षण कार्यक्रम सम्पन्न भएको छ ।
राष्ट्रिय जनमोर्चाकी केन्द्रीय सदस्य सरिता जिसीको प्रमुख आतिथ्यमा गत जुलाई २१, २०२३ शुक्रबारका दिन सो कार्यक्रम सम्पन्न भएको हो ।
सो अवसरमा प्रमुख अतिथि जिसीले नेपालको राजनीति तथा भारतमा आएर काम गर्न बाध्य नेपालीको अवस्थाबारे प्रशिक्षण दिनुभएको थियो ।
कार्यक्रमको अन्तमा प्रश्नोत्तर पनि राखिएको थियो ।
नगर महिला अध्यक्ष भूमादेवी केसीको अध्यक्षतामा अघि बढेको सो कार्यक्रममा मूल प्रवाहका केन्द्रीय सल्लाहकार ठाकुरप्रसाद केसीको पनि आतिथ्य रहेको थियो ।
नगर महिला सचिव सुभद्रा केसीको सञ्चालन रहेको सो कार्यक्रममा ज्ञातअज्ञात सहिदको सम्झनामा एक मिनेट मौनधारणपछि डिलबहादुर बसेलले स्वागत मन्तव्य राख्नुभएको थियो ।
कार्यक्रममा रक्तिम सांस्कृतिक अभियानका कलाकारहरूले पनि स्वागत गर्नुभएको थियो ।
