काठमाडौं । त्रिभुवन विमानस्थलबाट ८० किलोभन्दा बढी सुन बरामद भएको छ । हङकङबाट क्याफे प्यासिफिकबाट नेपाल आएका यात्रुको साथबाटराजश्व अनुसन्धान कार्यालयले सो सुन बरामद गरेको हो ।

बुधबार राति विमानस्थलबाट चेकजाँच पार गरिसकेको अवस्थामा राजश्व अनुसन्धान कार्यालयको टोलीले सो सुन बरामद गरेको हो।

मोटरसाइकल र स्कुटरको ब्रेक सुमा लुकाएर ल्याइएको अवस्थामा ८० देखि १०० किलोसम्म सुन बरामद भएको विभागका एक अधिकारीले बताए ।
अपरेसन जारी रहेकाले बरामद सुन कति परिमाणमा छ भन्ने यकिन भइनसकेको विभागको भनाई छ।

विमास्थलबाट दैनिक अनुमानित एक सय किलो सुन पास भइरहेको सूचना केहीदिनदेखि आएको र सोही आधारमा अपरेसन गरिएको विभागका एक अधिकारीले बताए।