काठमाडौँ । पुष्पलाल स्मृतिदिवसका अवसरमा प्रगतिशील लेखक सङ्घ, बागमती प्रदेशले प्रगतिशील रचना वाचन कार्यक्रम सम्पन्न भएको छ ।
नेपाल कम्युनिस्ट पार्टीका संस्थापक महासचिव पुष्पलालप्रति समर्पित गोष्ठीमा कवि र कथाकारहरूले एक लाइन कविता (एलाक), पद्य–गद्य कविता, गीत, गजल, मुक्तक, लघुकथामार्फत् राष्ट्रियता, सीमा संरक्षण, युवा एवम् स्रष्टाहरूको शक्ति, श्रमिकको तागतलगायत विषय उजागर गरेका थिए ।
स्रष्टाहरूले भानुभक्तकालीन बेथिति यथावत् रहेको गुनासो गर्दै कान्तिपुरको सौन्दर्य कायम राख्नुपर्नेमा पनि जोड दिएका थिए ।
जीवन बाँच्न कठिन भएको तथा आस्था र विश्वास खण्डित हुँदै गइरहेकामा पनि उनीहरूले काव्यमार्फत् गुनासो गरेका थिए ।
कार्यक्रममा कवि डम्बर एलाक, श्याम रिमाल, नन्दु उप्रेती, त्रिलोचन आचार्य, चेतनाथ धमला, गिरिप्रसाद बुढा, शिवप्रसाद आचार्य, दिल पौडेल, डिबी बर्ताैला, रिमबहादुर रानाभाट, छन्दविज्ञान निरौला, वासुदेव ठकुरी, श्रीराम अधिकारी, नमुना शर्मा, डा. सीता सुवेदी, नानीमाया अधिकारी, सुगीता शाह, लघुकथाकार यमुना प्रधानाङलगायतले रचना प्रस्तुत गर्नुभएको थियो ।
प्रलेसका उपाध्यक्ष समीर सिंह, प्रलेस बागमतीका अध्यक्ष डा. हरिप्रसाद सिलवाल र उपाध्यक्ष वैरागी जेठा, बागमती सहइन्चार्ज कृष्ण भारद्वाजलगायतले कार्यक्रममा प्रगतिशील रचना संसार फेर्ने खालको हुनुपर्नेमा जोड दिनुभभएको थियो ।
