गौर । राष्ट्रिय जनमोर्चाले सञ्चालन गरेको एक महिने संगठनात्मक अभियान रौतहटमा उत्साहाजनकरुपमा अगाडी वढिरहेको छ । अभियानकै क्रममा राजमोले अंगालेको नीति तथा सिद्वान्त देश र जनताको हितमा रहेको भन्दै राजमो प्रवेश गर्नेको संख्या पनि त्यति नै बढिरहेको छ ।
यसै क्रममा माओवादीका राजपुर नगरपालिकाका नेता रामआशिष महतो सो पार्टी परित्याग गरी राजमोमा प्रवेश गर्नुभएको छ । उहाँलाई राजमो नेता धर्मानन्द सुवेदीले सदस्यता दिएर पार्टीमा स्वागत गर्नुभएको थियो ।
रौतहटमा जारी संगठनात्मक अभियानको आइतबार समिक्षा गरिएको छ । कार्यक्रममा ८० वर्षीय भगल दासलाई दोसल्लाहा ओढाएर सम्मान गरिएको थियो । राजमोका जिल्ला अध्यक्ष हरिकिशोर महतोको अध्यक्षतामा सम्पन्न कार्यक्रमको सञ्चालन राजमो जिल्ला उपाध्यक्ष शेक सलावडीनले गर्नुभएको थियो ।
कार्यक्रममा राजमो नेता शेक तारीक, राजमो जिल्ला कोषाध्यक्ष लक्ष्मीनारायण श्रीवास्तव, (क) राजमो जिल्ला सदस्य शेखनुरुल हक (ख) राजमो जिल्ला सदस्य तथा तराई मधेश जनवादी मोर्चाका जिल्ला अध्यक्ष शेखनुरुल हक, नगर अध्यक्ष लाल बाबु शाह, किसान महासंघका जिल्ला उपाध्यक्ष शेक हेफाजतको पनि आतिथ्यता रहेको थियो । अभियान टोलीले जिल्लामा सदस्यता वितरण, समिति गठन लगायत विभिन्न संगठनात्मक कार्यक्रम गरिरहेको नेता धर्मानन्द सुवेदीले जनकारी दिनुभयो ।
यो पनि पढ्नु होस्ः
पूर्वी नेपालमा यसरी विस्तार हुँदैछ राजमो
बारामा पनि सुरु भयो संगठन निर्माण अभियान
