काठमाडौं । राष्ट्रिय जनमोर्चाले फागुन महिनाभर सञ्चालन गरेको सांगठनिक अभियान पूर्वी नेपालमा उत्साहका साथ अगाडि बढेको छ । प्रदेश नं १ र २ का सबै जिल्लाहरुमा जनभेटघाट, सदस्यता वितरण तथा संगठन निर्माण भइरहेको राजमोले जनाएको छ ।प्रदेश न. १ बाट प्राप्त जानकारी अनुसार प्रदेशका सबै जिल्लाहरुमा अभियान चलेको छ । राजमो प्रदेश १ का ईन्चार्ज एवं अखिल नेपाल किसान महासंघका उपाध्यक्ष चन्द्रबहादुर केसीले अभियान उत्साहका साथ अघि बढेको बताउनुभएको छ ।
उदयपुरमा राजमो प्रदेश १ का सदस्य निलकुमार राई, धनकुटामा सदस्य तुलमान राई, ईलाममा विद्यार्थी नेता वविन राई, सुनसरीमा राजमो प्रदेश उपाध्यक्ष विशाल पहाडी, र मोरङमा युवा नेता शिव फुयाँलको नेतृत्वमा अभियान सञ्चालन भईरहेको छ । प्रदेश १ मा नयाँ सदस्यता वितरणसँगै पुरानो समिति पुनर्गठन गर्दै र पुराना नेताहरुलाई फेरि सक्रिय वनाउँदै संगठनात्मक अभियान अघि वढाईएको राजमो १ न.प्रदेश समितिले जनाएको छ ।
यता प्रदेश २ का पनि सबै जिल्लाहरुमा सदस्यता वितरणसँगै जनभेटघाट तथा संगठन निर्माण अभियान चलिरहेको राजमो प्रदेश ईन्चार्ज चिन्तामणी पौडेलले जाकारी दिनुभएको छ । प्रदेश २ का बारा,पर्सा,रोतहट,सप्तरी, सिरहा,सर्लाही, धनुषा र महोत्तरीमा अभियान चलिरहेको छ ।
प्रदेश २ मा किसान संघका केन्द्रीय सदस्य धर्मानन्द सुवेदी, शिक्षक संघका केन्द्रीय सदस्य हरि सापकोटा, राजमो प्रदेश सदसय शेख कार्की, जीवन भट्टराई लगायत संगठन निर्माणमा सहभागी हुनुहुन्छ ।
रौतहटमा राजमो नेता हरिकिशोर महतोको नेतृत्वमा वेग्लै टिम परिचालित छ । लालबहादुर शाह, शेख सप्रदी, शेख अमिरुल, शेख नुडुलहक, शेख सल्लाहउदीन लगायत रहनुभएके छ । रौतहटका राजपुर, गौर, यमुनामाई लगायतका क्षेत्रमा सदसयता वितरण भईरहेको टोलि संयोजक महतोले जानकारी दिनुभयो ।
प्रदेश २ मा पछिल्लो समय स्थानी मधेशी तथा थारु समुदाय राजमोप्रति आकर्षित हुँदै गएको नेता हरिकिशोर महतोले बताउनुभयो । राजमोको सांगठनिक अभियानमा सयौं मधेशी तथा थारु समुदायले सदस्यता लिएका उहाँले जानकारी दिनुभयो ।
