खिमराज चालिसे, चन्डिगढ (भारत) ।
भारत चन्डिगढमा मूल प्रवाह अखिल भारत नेपाली एकता समाजको टोल समिति गठन भएको छ ।
चन्डिगढको इन्डस्ट्रियल एरिया समितिअन्तर्गत सेक्टर २८ खेल ग्राउन्डमा जुलाई ६, २०२३ का दिन सम्पन्न भेलाले सो समिति गठन गरेको हो ।
केन्द्रीय सदस्य खिमराज चालिसेको उद्घाटनमा सम्पन्न उक्त भेलामा समिति गठनपूर्व मूल प्रवाहको आवश्यकता र खेलकुदको महत्त्वबारे सङ्क्षिप्तमा चर्चा गरिएको थियो ।
भेलाले तारा ज्ञवालीको अध्यक्षतामा सात सदस्यीय टोल समिति पुनर्गठन गरेको छ । समितिको सचिवमा तीर्था भुसाल, कोषाध्यक्ष देवी थापा र सदस्यहरूमा इन्दिरा पौडेल, सुनिता, सरस्वती परियार र माया भण्डारी चयन हुनुभएको छ ।
भेलामा मूल प्रवाहको सुदूर पश्चिमोत्तर क्षेत्रीय सल्लाहकार तथा क्षेत्रीय सदस्य जुना चालिसेले नवनिर्वाचित समितिको घोषणा तथा शपथ गराउनुभएको थियो ।
भेलामा आफ्ना विचारसहित शुभकामना दिने वक्ताहरूमा महिला क्षेत्रीय सदस्य विष्णु अर्याल, नगर सदस्य एवम् एरिया कोषाध्यक्ष सरस्वता भुसाल, महिला नगर सदस्य सीता खड्कालगायत हुनुहुन्थ्यो ।
लक्ष्मी अधिकारीको सञ्चालन तथा तारा ज्ञवालीको अध्यक्षतामा सम्पन्न उक्त भेलमा उपस्थित सहभागीलाई स्वागत इन्दिरा पौड्यालले गर्नुभएको थियो ।
