शंकर प्रसाद पोखरेल गुल्मी ।
गुल्मीको धुर्कोट गाउँपालिकामा स्थानीय छल्दी युवा क्लवले हरेक शनिबार सरसफाई अभियान सञ्चालन गर्ने भएको छ । यही फागुन १७ गते शनिबार क्लवले धुर्कोट–५ बस्तुको धनार्जीदेखि रोदिसम्म सरसफाई गरी अभियानको शुभारम्भ गरिएको क्लवका अध्यक्ष सुवास पाण्डेले जानकारी दिनुभयो ।
छल्दी युवा क्ल्बले हिजो शनिबार औपचारिक क्लवको कार्यक्रम गरी क्लव स्थापना गरेको हो । क्लबका अध्यक्ष सुवास पान्डेको अध्यक्ष्तामा भएको कार्यक्रममा धुर्कोट गाउँपालिका–५ बस्तुका वडाअध्यक्ष ढुन्डिराज भन्डारी र क्लवका सल्लाहकार अधिवक्ता बोमलाल भण्डारीले क्लवको प्रगतिको कामना गर्नुभयो । प्रमुख अतिथि वडाअध्यक्ष भन्डारीले अब धुर्कोट गाउँपालिका वडा न ५ बाट हुने योजनाको अनुगमनमा अब क्लवको पनि सहभागीता रहने विश्वास व्यक्त गर्नुभयो ।
विभिन्न संघ संस्थाका प्रतिनिधिहरुको सहभागिता रहेको कार्यक्रममा क्लवका उपाध्यक्ष करिश्मा भन्डारीले स्वागत गर्नुभएको थियो भने कोषाध्यक्ष सुरज पाण्डेले क्लवको भाबी योजना तथा कार्यक्रम प्रस्तुत गर्नु भएको थियो ।
क्लबका सदस्य पिम्बर भण्डारीले क्लवको कामबारे जानकारी दिनुभएको सो कार्यक्रम को सञ्चालन क्लवका सदस्य सोभाखर भण्डारीले गर्नुभएको थियो । अस्थायी प्रहरी चौकी रोदी लामडाँडाको समन्वय र क्लवको आयोजनामा भएको अभियानका क्रममा क्लवका सदस्य तथा स्थानीय गरी करिब १२० जना सरसफाई कार्यक्रममा उपस्थित थिए ।
