काठमाडौं । पेट्रोलियम पदार्थको मूल्य घटेको छ। नेपाल आयल निगमले आज (सोमबार) राति १२ बजेबाट लागू हुनेगरी पेट्रोल तथा डिजेल÷मट्टितेलमा मूल्य घटाएको हो। पहिलो, दोस्रो तथा तेस्रो वर्गको लागि क्रमशः ७।५ , ६ र ५ रुपैयाँले मूल्य घटाएको निगमले जनाएको छ। पहिलो वर्गअन्तर्गत चारआली, जनकपुर, वीरगञ्ज, अमलेखगञ्ज, भलवारी, नेपालगञ्ज र धनगढी पर्दछ भने दोस्रो वर्गमा सुर्खेत र दाङ तथा तेस्रो वर्गअन्तर्गत काठमाडौं, पोखरा तथा दिपायल पर्दछन्। अब पेट्रोल १६७ देखि १७० रुपैयाँसम्म पाइने छ। त्यस्तै, डिजेल १४७ देखि १५० सम्ममा पाइनेछ। आन्तरिकतर्फको हवाई इन्धनमा प्रतिलिटर १४ तथा अन्तर्राष्ट्रियतर्फको हवाई इन्धनको खुद्रा बिक्री मूल्यमा प्रतिलिटर १५ रुपैयाँले घटाइएको निगमले जनाएको छ।