नयाँ दिल्ली । राष्ट्रपतिद्वारा प्रमाणीकरण भएको नागरिकता विधेयक विरुद्ध मूल प्रवाह अखिल भारत नेपाली एकता समाजले आज भारतव्यापी विरोध प्रदर्शन गर्ने जनाएको छ ।
समाजका केन्द्रीय अध्यक्ष ठाकुर खनालले विवादित नागरिकता विधेयक नेपाली राष्ट्रियताको विरुद्ध भएकोले आफूहरुले सो विधेयकको शुरुदेखि नै विरोध गर्दै आएको जानकारी दिनु भयो ।
‘जन्मका आधारमा नागरिकता पाएका व्यक्तिका सन्तानहरुले बंशजको नागरिकता पाउने वित्तिकै वास्तविक नेपालीहरु अल्पमत पर्ने र नेपाली राष्ट्रियता नै समाप्तको दिशामा जानेछ’ अध्यक्ष खनालले भन्नुभयो– ‘राष्ट्रपतिको उक्त कदमलाई सच्चाई पर्दछ ।’
साथै भारतको नवउद्धघाटित संसद भवनमा कपिलवस्तु र लुम्बिनी नाम उल्लेख गरि सिंगो नेपाली भू–भाग नै गाभी ‘अखण्ड’ भारतको नाममा भित्ते चित्रमा प्रदर्शित गरिनु नेपाली सार्वभौमसत्ता माथी आक्रामण भएको भन्ने ठहर छ ।
उल्लेखित दुबै विषयलाई लिएर मूल प्रवाह अखिल भारत नेपाली एकता समाजले आज ४ जुन २०२३ का दिन भारतका करिब २०० शहरहरुमा विरोध सभा सम्पन्न पार्ने कार्यक्रम रहेको खनालले जानकारी दिनु भयो ।
