जगतप्रसाद रेग्मी, काठमाडौं ।
राष्ट्रिय जनमोर्चाका अध्यक्ष चित्रबहादुर केसीले ठूला दलका नेताहरूले युरोपियन युनियन र अमेरिकी तथा भारतीय साम्रज्यवादीका एजेण्डा बोकेर हिँडेको आरोप लगाउनुभएको छ ।
शनिबार राष्ट्रिय जनमोर्चा काठमाडौं महानगरको भेला उद्घाटन गर्दै अध्यक्ष केसीले सत्ता सञ्चालन गर्नेहरु सत्ताका लागि देश र जनताको भन्दा विदेशीका एजेण्डा बोकेर हिँड्ने गरेको बताउनुभएको हो ।
केसीले राजनीति गर्नेहरुले देशको तस्बिर अगाडि राख्नुपर्ने बताउनुभयो ।
‘पार्टीमा काम गर्न सबैभन्दा पहिला देशको तस्बिर अगाडि देख्न सक्नु पर्छ कस्तो छ । राजनीतिलाई प्रेरणा दिने कुरा त हाम्रो देशको नागरिकले पाएको दुःखको तस्बि ले हो’ केसीले भन्नुभयो, ‘हामीले देश्को सबै अबस्था बद्ल्ने कुरा कसैले बाहिरबाट आएर गर्दिने होइन, हाहीले नै गर्ने हो ।’
केसीले अरु दलमा लागेपछि पैसा कमाउन सकियला तर राष्ट्रिय जनमोर्चा र मसालमा तयो सम्भब छैन भन्नुभयो ।
उहाँले भन्नुभयो, ‘०५१ सालदेखि राजमो सदनमा छ । राजमोका कुनै पनि सदस्यले बदमासी गरेनन् ।’
उहाँले कम्युनिष्ट पार्टीको नाम जप्नेहरुले पशुपतिमा जलहरी चलाउने गरेको चर्चा गर्दै भन्नुभयो, ‘कम्युनिष्ट त भौतिक बादी हुनुपर्छ । यो सबैसबै सुबिधा हाम्रो पार्टीमा नपाइने भएको कारण गलत सोच भएका मान्छेहरु हामीबाट अलग हुँदै जान्छन् ।’
केसीले अहिले अन्तर्राष्ट्रिय कम्युनिष्ट आन्दोलन रक्षात्मक अबस्था रहेको बताउनुभयो ।
उहाँले प्रचण्डले भारतमा गेरु बस्त्र लगाएर पूजा गरेको प्रशंग जोड्दै उनलेसमेत आफूलाई कम्युनिष्ट भन्छन् भनी व्यंग्य गर्नुभयो ।
‘प्रधानमन्त्री प्रचण्डले भारतमा इपिजीको प्रतिवेदनबारे बोल्न सकेनन्, कालापानी लिपुलेख हाम्रो हो भन्न सकेनन् । तर, मोदीलाई खुसी बनाउन गेरुबस्त्र लगाएर मन्दिरमा पूजा गरे । उनले अझ आफूलाई कम्युनिष्ट भन्छन् ।’
कार्यक्रममा बोल्दै नेता आनन्द शर्माले नेकपा (मसाल) ले सञ्चालन गरिरहेको ऐतिहासिक तीन अभियानबारे जानकारी दिनुभयो ।
उहाँले भन्नुभयो, ‘आगामी माघमा लेलिनको मृत्यु भएको १०० वर्ष पुग्दै छ । यो वर्ष नै नेकपाको गठनको ७५ वर्ष अर्थात हिरक जयन्ती परेको छ भने पार्टीको महाधिवेशन को ५ वर्ष पनि पुग्दै छ । त्यस कारण हामीले सबै गलत कुरा हटाई पार्टीको क्रान्तिकारी रुपान्तरण गर्न जरुरी छ ।’
यस्तै, अखिल नेपाल कानुन व्यवसायी संघ (अन्ला) का अध्यक्ष पदम रोकाले भेला सफलताको शुभकामना दिँदै राष्टपतिले गरेको नागरिकता प्रमाणीकरण राजनीतिक र संवैधानिकर रुपमासमेत गलत भएको बताउनुभयो । संवैधानिक प्रक्रियामा सदनबाट पास भइ सभामुखले पठाएको विधेयक १५ दिन भित्र पास नभए स्वतः खारेज हुने उहाँले बताउनुभयो ।
यस्तै, नेकपा (मसाल) बागमतीका प्रवक्ता समीर सिंहले पार्टीका कार्यकर्ताले राष्ट्रियता रक्षाका लागि एमसीसी, नागतिकता विधेयक भारतीय र अमेरिकी साम्राज्यादी हस्तक्षेप, संघीयतालगायतका विरुद्ध संघर्ष गरिरहनुपरेको बताउनुभयो ।
कार्यक्रममा राजमोका केन्द्रीय कोषाध्यक्ष मधु क्षेत्री, केन्द्रीय सदस्य कल्याणी श्रेष्ठ, नेकपा (मसाल) काठमाडौं जिल्ला प्रवक्ता जगतप्रसाद रेग्मी, राजको काठमाडौंका अध्यक्ष झबेन्द्र बेलवासे, राजमो चन्द्रागिरी अध्यक्ष मोहन जिसि, टोखा नगर अध्यक्ष प्रेम भन्डारी, राजमो भक्तपुरका नेता इश्वरी शर्मा, अखिल नेपाल युवक संघका केन्द्रीय सचिव डम्बर कार्की, राजमो बूढानीलकण्ठका अध्यक्ष छवि खनाललगायत नेताहरुको आतिथ्यता रहेको थियो ।
ऋतु केसीको अध्यक्षता र चुडामणि भुसालको सञ्चालनबाट अघि बढेको कार्यक्रमको स्वागत महानगर उपाध्यक्ष यामलाल खनालले गर्नुभयो ।
अध्यक्षमा यामलाख खनाल
उद्घाटन सत्रपछि भेलाको कार्यक्रम अगाडि बढाउन तीन सदस्यीय अध्यक्ष मण्डल गठन गरिएको थियो । जसमा अभिवक्ता लक्षमणदेव पाण्डे, जीवन सेन र हिरा रोका जिसी रहेनुभएको थियो ।
भेलाले यामलाल खनालको अध्यक्षतामा १५ सदस्यीय महानगर समिती निर्माण गरेको छ । जसको उपाध्यक्षमा चुडामणि भुसाल सचिव काशिराम नेपाली, सहसचिव तारा पन्थी र कोषाध्यक्ष दानबहादुर खड्का रहनुभएको छ ।
सदस्यहरुमा विष्णु वली, नेत्र विष्ट, हिरा रोक्का जिसी, अन्जु श्रेष्ठ, बन्दना विक, जीवन प्रताप सेन, खोमनाथ न्यौपाने, राम प्रसाद भुसाल, धनबहादुर मर्साइ र राम अन्जान परियार रहनुभएको छ । यस्तै, भेलाले ऋतु केसीलाई सल्लाहकार चयन गरेको छ ।
नवनिर्वाचित अध्यक्ष यामलाल खनालले प्रतिबद्धता जाहेर गरेपछि राजमो जिल्ला अध्यक्ष झबिन्द्र बेलवासे र अखिल नेपाल युवक संघका केन्द्रीय सचिव डम्बर कार्कीले बधाई दिनुभएको थियो ।
कालापानीबारे प्रचण्डको अभिव्यक्तिप्रति भट्टको प्रश्न : तपाइँका जिजुबाजेले जोडेको कास्कीको घडेरी हो ?
