काठमाडौं । राष्ट्रिय जनमोर्चाले देशव्यापीरुपमा सञ्चालन गरेको संगठनात्मक अभियान काठमाडौंमा उत्साहजनक रुपमा अघि बढेको छ । राजधानी शहर काठमाडौंमा विभिन्न जिल्लाबाट आएर बसोबास गर्नेहरुदेखि पुस्तौंदेखि काठमाडौंमै बसोबास गर्नेहरुसमेत राजमोप्रति आकर्षित भएका छन् ।
काठमाडौं महानगरसहित १० वटै नगरपालिकामा सदस्यता वितरण तथा जनभेटघाट उत्साहजनक रुपमा चलिरहेको परिचालन समितिका सदस्य एवं नेकपा (मसाल) का जिल्ला प्रवक्ता जगत रेग्मीले जानकारी दिनुभएको छ ।
त्यसक्रममा चन्द्रागिरि नगरपालिकामा मात्रै सयौंले पार्टी सदस्यता लिएका छन् । राजमो जिल्ला अध्यक्ष झविन्द्र वेलवासे, जिल्ला सदस्य तथा चन्द्रागिरि नगर ईन्चाज रोसन दानी, नगर अध्यक्ष मोहन जिसी लगायत नेताहरूको उपस्थितिमा संगठन विस्तार जारी छ ।
एक महिने संगठन विस्तार अभियान अन्तर्गत चन्द्रागिरि नगरपालिकाका हरेक गाउँ टोलटोलमा पनि संगठन निर्माण तथा जनतासँग प्रत्यक्ष भेटघाटलाई तिव्रता दिइएको राजमो नेता रोशन दानीले बताउनुभयो ।
यता, बूढानीलकण्ठ नगरपालिकामा राजमो जिल्ला सचिव छवि खनालको नेतृत्वमा सदस्यता वितरण तथा संगठन निर्माण अभियान चलिरहेको छ भने टोखामा जगत रेग्मी र भक्तबहादुर बिकको अगुवाईमा अभियान चलिरहेको छ ।
नागार्जुन नगरपालिकामा राजमो केन्द्रीय सदस्य लालबहादुर थापाले अभियानको नेतृत्व गर्नुभएको छ । नागार्जुनमा राजमो केन्द्रीय सदस्य लक्ष्मी केसी र अखिल नेपाल किसान महासंघका जिल्ला अध्यक्ष केबी घलेको अगुवाईमा सदस्यता वितरण चलिरहेको छ ।
यता, तारकेश्वरमा आरबी फुयाँल र गोकर्णेश्वरमा प्रेम मोक्तानको नेतृत्वमा अभियान सञ्चालित छ । तारकेश्वर नगरपालिका १ स्थित सांग्लामा स्थानीय अगुवा तथा कलाकार एवं व्यवसायी तिलबहादुर गुरुङ राजमोमा प्रवेश गर्नुभएको छ । गुरुङको पार्टी प्रवेशले त्यसु क्षेत्रमा हलचल नै ल्याएको मसाल प्रवक्ता रेग्मीले बताउनुभयो ।
काठमाडौं महानगरमा युवा नेता रमेश पौडेल र अखिल नेपाल महिला संघकी कोषाध्यक्ष रितु केसीको नेतृत्वमा सदस्यता वितरण चलिरहेको छ ।
राजमो जिल्ला अध्यक्ष झविन्द्र वेलवासेले काठमाडौ जिल्लामा जनमोर्चा प्रति जनताहरूको आकर्षण, उत्साह व्यापक बढि रहेको बताउनु भयो । काठमाडौंमा आजसम्म एक हजार भन्दा बढी नयाँ सदस्य थपिएको अध्यक्ष बेल्बासेले जानकारी दिनुभयो ।
देशब्यापी संगठनात्मक अभियान अन्तर्गत फागुन १ गते अध्यक्ष चित्रबहादुर केसीको प्रमुख आतिथ्यतामा चन्द्रागिरि पार्टी प्यालेसबाट काठमाडौ उपत्यकाको संगठन बिस्तार अभियानको सुभारम्भ भएको थियो ।
यो पनि पढ्नुहोस्ः
अध्यक्ष केसीको हातबाट सयौंले लिए राजमोको सदस्यता (फोटो/भिडियो)
राजमोको संगठन निर्माण अभियान काठमाडौंमा सुरु
काठमाडौंमा बृहत संगठन निर्माण गर्न राजमोले बनायो यस्तो योजना
