बुटवल । रुपन्देहीको सिद्धार्थनगरमा राष्ट्रिय जनमोर्चाको नगर सम्मेलन सम्पन्न भएको छ ।
राजमो केन्द्रीय सल्लाहकार तथा जिल्ला अध्यक्ष बद्रे आलमको प्रमुख आतिथ्यमा २०८० जेठ १३ गते शनिबार सम्मेलन सम्पन्न भएको हो ।
सम्मेलनलाई अखिल नेपाल बुद्धिजीवी सङ्घका सचिवालय सदस्य दुर्गानाथ खरेल, कम्युनिस्ट सङ्ग्रहालयका अध्यक्ष चेतनाथ आचार्य, अखिल नेपाल टे«ड युनियन महासङ्घ (अन्टुक) का जिल्ला अध्यक्ष कविराम गिरी, अखिल नेपाल किसान महासङ्घ (अप्फा) का केन्द्रीय सदस्य रुकबहादुर पराजुली, अखिल नेपाल महिला सङ्घकी केन्द्रीय सदस्य भानु केसी र राजमो देवदह नगर समितिका अध्यक्ष धनु पाण्डेले मन्तव्य राख्नुभएको थियो ।
कार्यक्रमको अध्यक्षता हिरालाल धामीले, सञ्चालन कविराम भट्टराई र स्वागत सागिर आलमले गर्नुभएको थियो । सो अवसरमा वामपन्थी बुद्धिजीवी मानबहादुर कुँवरको पनि आतिथ्य रहेको थियो ।
सम्मेलनले हीरालाल धामी अध्यक्ष रहनुभएको राजमोको नगर समिति चयन गरेको छ । समितिको उपाध्यक्षमा कविराम भट्टराई, सचिवमा सगिर आलम र कोषाध्यक्षमा शारदा पौडेल रहनुभएको छ ।
त्यस्तै, सदस्यमा भीमबहादुर क्षेत्री सुवेदी, रेणुका सुवेदी, रामकिसान बानिया, भीमबहादुर कुँवर, कृष्ण कुँवर, रफिक मुसलमान र श्याम काहार रहनुभएको छ ।
एवम् प्रकारले वैकल्पिक सदस्य नरबहादुर केसी, देविलाल उपाध्याय र दिपायल सुनार रहनुभएको छ ।
सम्मेलनले बद्रे आलम, इन्द्रबहादुर केसी र भानु केसीलाई सल्लाहकारमा चयन गरेको छ ।
