टुकबहादुर रामदाम, मस्कट (ओमान) ।
नेपाली समाज ओमानले दुई जना बिरामीलाई उपचारका लागि आर्थिक सहयोग गरेको छ । सुनसरीका कृष्णकुमारी श्रेष्ठ र पोखराका भेसबहादुर थापालाई समाजले आर्थिक सहयोग गरेको हो ।
मानसिक बिरामी भइ उपचाररत सुनसरीका मिनकुमार श्रेष्ठकी श्रीमती कृष्णकुमारी श्रेष्ठलाई थप उपचारको लागि समाजले १७ हजार पाँच सय रुपैयाँ प्रदान गरेको छ । सो रकम नेपाली समाज ओमानकी नेपाल प्रतिनिधि सबिता श्रेष्ठले बिरामी कृष्णकुमारीको घरमै पुगि हस्तान्तरण गर्नु भएको हो ।
यस्तै, बिगत चार महिनादेखि घाँटीको पछाडि भागको जोड्नि भाँच्चिएर बिरामी भइ उपचाररत पोखराको अमरसिंह चोक कामनाटोल बस्ने दानबहादुर थारुको छोरा १५ वर्षीय भेषबहादुर थारुलाई पनि १७ हजार पाँच सय रुपैयाँ सहयोग गरेको छ ।
नेपाली समाज ओमानकी महासचिव धनकुमारी थारुले पोखरा हस्पिटलमै पुगी सिघ्र स्वास्थ लाभको कामनासहित सहयोग रकम हस्तान्तरण गर्नु भएको थियो ।
