टुकबहादुर रामदाम, मस्कट ।
बुद्धजयन्ती तथा अन्तर्राष्ट्रिय भेसाक डेको अवसरमा मे ५, २०२३ शुक्रबारको दिन नेपाली राजदूतावास मस्कटमा एक कार्यक्रम गर्दै पर्यटन प्रबद्र्धन कार्यक्रम सम्पन्न भएको छ ।
कार्यक्रमको सुरुआतमा राजदूत डोरनाथ अर्यालबाट उपस्थित पाहुनाहरूलाई स्वागत गर्नुहुँदै बुद्धको योगदानबारे जानकारी गराउनुभएको थियो ।
थाइल्यान्डबाट भर्चुअल माध्यमबाट जोडिनुभएका भिक्षु प्रा.डा. अनिल शाक्यले बुद्धदर्शनका बहुआयामिक पक्षमाथि प्रकाश पार्नुभएको थियो ।
कार्यक्रममा नेपाल पर्यटन बोर्डका वरिष्ठ अधिकृतहरूले नेपाली पर्यटनबारे सूचनामूलक प्रस्तुतीकरण गर्नुभएको थियो ।
सो अवसरमा अतिथिहरूको आगमन नेपाली मौलिक पञ्चेबाजा बजाएर स्वागत गरिनुका साथै मनोरञ्जन प्रदान गरिएको थियो ।
कार्यक्रमको समापनपश्चात् उपस्थित पाहुनाहरूलाई मायाको चिनोस्वरूप उपहार तथा पर्यटन प्रबद्र्धनका सामग्री प्रदान गरिएको थियो । साथै कार्यक्रममा सहभागीमध्येबाट गोलाप्रथामार्फत दुई जनालाई अलजजिरा एअरलाइन्सले प्रायोजन गरेको मस्कट–काठमाडाँैको फिर्ति टिकट प्रदान गरिएको थियो ।
राजदूतावासका प्रथम सचिव सोमेश थापाले कार्यक्रमको सञ्चालन गर्नुभएको थियो ।
कार्यक्रममा ओमानी नागरिक, ओमानस्थित नेपाली सङ्घसंस्थाका प्रतिनिधि, ओमानस्थित पत्रकार, पर्यटन व्यवसायरू तथा बैङ्किङ क्षेत्रका प्रतिनिधिको उल्लेखनीय उपस्थिति रहेको थियो ।
यसअघि, बिहान पनि दूतावास तथा अन्य सङ्घसंस्थाको सहकार्यमा ध्यान तथा पूजा आराधना सम्पन्न भएको थियो ।
