लोकेन्द्र पौडेल, चेन्नै ।
मूल प्रवाह अखिल भारत नेपाली एकता समाज दक्षिण भारत क्षेत्रीय समिति अन्तर्गत चेन्नै पश्चिम नगर समितिद्वारा सञ्चालित किल्पाक एरिया समितिको २१औँ एरिया सम्मेल सम्पन्न भएको छ ।
सम्मेलनमा शुभकामना दिँदै मूल प्रवाहका महासचिव कुलबहादुर थापाले एकता समाजले स्थापना कालदेखि नेपालीहरुको समस्याप्रति सधैँ अग्रणी भूमिका खेल्दै आएको उल्लेख गर्नुभयो । आउँदा दिनहरुमा पनि समाज रजनताका समस्यासँग नङ र मासुको जस्तै सम्बन्ध रहने स्पष्ट पार्नुभयो । उहाँले संगठनको नाउँमा संगठनलाई तहसनहस पार्न खोज्नेहरुसँग सतर्क रहन पनि आग्रह गर्नुभयो ।
सम्मेलनले राजेश विकको अध्यक्षतामा ११ पूर्ण र २ वैकल्पिकसहित १३ जनाको एरिया समिति गठन गरेको छ । जसको उपाध्यक्षमा लक्ष्मी खड्का, सचिव दलजित लुहार, सहसचिव अशोक नेपाली र कोषाध्यक्ष नेत्रलाल शर्मा चयन हुनुभएको छ ।
सदस्यहरुमा शंकर सुनार, सुक्रराज विक, प्रकाश शर्मा, रामलाल विक, रामु नेपाली, दुर्गा नेपाली रहनुभएको छ भने वैकल्पिक सदस्यमा संगीत बुढाथोकीर बिन्दु विष्ट रहनु भएको छ ।
सम्मेलनको उद्घाटन गर्दै क्षेत्रीय सदस्य तथा पश्चिम नगर समितिका अध्यक्ष बुद्धिराम पौडेलले प्रवासी नेपालीहरुको दुःख सुखको परिवारका रूप रहेको संगठन मूल प्रवाहलाई तहश नहस पार्न हिँडेका अवसरवादी आफैँ समाप्त भएको बताउनु भयो ।
कार्यक्रममा मूल प्रवाहका केन्द्रीय सदस्य केशमान नेपाली, केन्द्रीय सदस्य तथा क्षेत्रीय अध्यक्ष चन्द्रबहादुर थापा, क्षेत्रीय सदस्य कोटीप्रसाद पोखरेल, क्षेत्रीय कोषाध्यक्ष लोकेन्द्र पौडेल, क्षेत्रीय सदस्य तथा पश्चिम नगर समितिका अध्यक्ष बुद्धिराम पौडेल, क्षेत्रीय सदस्य काशिराम शर्मा, क्षेत्रीय सदस्य खगेश्वर विकले शुभकामना दिनुभएको थियो ।
हरिप्रसाद शर्माको अध्यक्षता तथा नेत्रप्रसाद शर्माको सञ्चालनबाट अगाडि बढेको सम्मेलन राजेश विकले गीतबाट स्वागत गर्नु भएको थियो ।
