काठमाडौं । राष्ट्रिय सभा सदस्य प्रकाश पन्थले संघीयता खारेज गर्न प्रस्ताव राख्नुभएको छ ।
बुधबार राष्ट्रिय सभा बैठकमा बोल्दै नेपाली कांग्रेसका सांसद पन्थले संघीयता केन्द्रमुखि भएको भन्दै प्रदेश र स्थानीय तहलाई स्रोत, साधन र अधिकार दिनुपर्ने र सो अनुरुप भए/नभएको अनुगमन गर्नुपर्ने बताउनु भयो ।
उहाँले स्थानीय तहलाई जनमुखि बनाउनुपर्नेमा जोड दिनुभयो । झन्झटिला प्रक्रियाहरुलाई खारेज गर्नुपर्ने उहाँको भनाई थियो ।
उहाँले भन्नुभयो – ‘संघीयता केन्द्रमुखि भयो । साना साना निर्णय गर्न पनि केन्द्रको मुख ताक्नुपर्ने भयो । प्रदेश र स्थानीयत तहतिर स्रोत पनि दिने, अधिकार पनि दिने र केन्द्रले अनुगमन गर्नेकुरा पनि कडा गर्न किन सकिएन ? सेवा प्रवाह र स्थानीय तहलाई जनमुखि बनाउनुप-यो । अनावश्यक झन्झटिला प्रक्रियाहरुलाई खारेज गर्नुपर्यो ।’
उहाँले जनताहरु अझैपनि सिंहदरबार किन धाइरहनुपरेको हो ? शिक्षा, स्वास्थ्यमा गुणस्तर र पहुँच कहिले पुग्छ ? स्वास्थ्य बीमाको पहुँच सबै जनताको घरदैलोमा कहिले पुग्छ ? स्वास्थ्य बीमामार्फतको उपचार किन झन्झटिलो भएको हो ? भनी प्रश्न गर्नुभयो ।
सरकारले अस्पतालमा निशुल्क भनिएका औषधि समेत नरहेको भन्दै स्वास्थ्य बीमाको पहुँचलाई सबै जनताको घरदैलोमा पु-याउन सरकारको ध्यानाकर्षण गराउनु भयो ।
