खिमराज चालिसे, चंडिगढ ।
अन्तर्राष्ट्रिय एकताको लागि प्रवासी नेपाली जनताको मञ्च रोपडको आयोजनामा नेकपाको ७५ औँ पार्टी स्थापना दिवश तथा विश्व सर्वहारा वर्ग का महान नेता लेनिनको १५४ औँ जन्म जयन्ती मनाइएको छ।
कार्यक्रम मूल प्रवाह अखिल भारत नेपाली एकता समाजका केन्द्रीय सचिव एवम् सुदूरपश्चिमोत्तर क्षेत्रीय अध्यक्ष प्रेम सापकोटाले सम्बोधन गर्दै अन्तर्राष्ट्रिय रुपमा रक्षात्मक अवस्थामा रहेको मार्क्सवाद लेनिनवाद तथा माओ विचारधाराको रक्षाकवच बन्नुपर्ने धारणा व्यक्त गर्नु भएको थियो।
अन्य वक्ताहरु केन्द्रीय परिषद सदस्य मदन थापा, बिलबहादुर गुरुङ, क्षेत्रिय सदस्यहरु छविलाल सापकोटा, मन्जु थापा, शिवलाल लामिछाने, दयाराम लामिछाने, महिला क्षेत्रीय संयोजक सीता सापकोटा, जनजाती विभागका लालबहादुर थापा, नगरका नेताहरु नन्दलाल सापकोटा, दुर्गा लामिछाने, टीकादेवी सापकोटा लगाएतले आफ्ना विचार राख्नु भएको थियो।
विष्णु गुरुङको सञ्चालन तथा ओमप्रकाश सापकोटाको अध्यक्षतामा सम्पन्न कार्यक्रममा भीम काकीले स्वागत गर्नुभएको थियो ।
