रियाद । सउदी अरब नेपाली एकता समाजको आयोजनामा लेनिनको एक सय चवन्नौँ जन्मदिवस तथा नेपाल कम्युनिस्ट पार्टीको पचहत्तरौँ स्थापना दिवसको अवसरमा अनलाइन प्रशिक्षण कार्यक्रम सम्पन्न भएको छ ।
वामपन्थी नेता आनन्द शर्मा तथा अन्तर्राष्ट्रिय नेपाली एकता समाजका अध्यक्ष शक्तमान बुढाथोकीको उपस्थितिमा अप्रिल २२, २०२३ शनिबारका दिन सो कार्यक्रम सम्पन्न भएको हो ।
वामपन्थी नेता आनन्द शर्माले नेपाल कम्युनिस्ट पार्टीको स्थापना कालदेखि आजसम्मको अवस्था र कम्युनिस्ट पार्टीमा देखिने गरेका विचलन र वास्तविक कम्युनिस्ट पार्टीको बारेमा तथा लेनिन जयन्ती र लेनिनले निर्माण गरेको सङ्गठनात्मक पद्धति र कम्युनिस्ट पार्टीमा हुनुपर्ने लेनिनवादी अनुशासनको बारेमा शर्माले प्रशिक्षण दिनुभएको थियो।
कार्यक्रममा विदेशस्थित नेपालीको अवस्था, हक–अधिकार समस्या र चुनौतीको सम्बन्धमा शक्तमान बुढाथोकी मगरले प्रशिक्षण दिनुभएको थियो ।
एकता समाजका अध्यक्ष राजकुमार धितालको अध्क्षयतामा अगाडि बढेको उक्त कार्यक्रमको सञ्चालन केन्द्रीय सचिव खुमिराम भण्डारीले गर्नुभयो ।
ज्ञातअज्ञात सहिदप्रति एक मिनट मौनधारणपछि महासचिव हरिप्रसाद शर्माले कार्यक्रममा उपस्थित सम्पूर्णलाई शब्दमार्फत स्वागत गर्नुभएको थियो ।
