फरीदावाद। मूल प्रवाह अखिल भारत नेपाली एकता समाज फरीदावाद नगर समितिले ब्लड क्यान्सर पीडितलाई आर्थिक सहयोग गरेको छ ।

नगर समितिमा उपचारकोलागि सहयोग गर्न निवेदन आएपछि बागलुङ घर भएका ११ वर्षीय पियुसलाई आर्थिक सहयोग गरेको हो ।

नगर समितिले आर्थिक अभियान सञ्चालन गरेर पियुसलाई रु.१७ हजार सहयोग गरेको छ ।

उक्ता आर्थिक सहयोग नगर अध्यक्ष एवं केन्द्रीय वैकल्पिक सदस्य बाबुराम विष्टले नगर समितिका जिम्मेवार कार्यकर्ताहरुको उपस्थितिमा हस्तान्तरण गर्नुभएको थियो ।

सहयोग प्राप्त पछि पीडित पियुस र उनका आफन्तले मूल प्रवाह अखिल भारत नेपाली एकता समाजलाई धन्यवाद प्रकट गरेका छन् ।