दिनेश रैदास, दाङ ।
राप्ती नदीमा बगेर एक बालक बेपत्ता भएका छन् ।  प्यूठान झिम्रुक गाउँपालिका घर भई सशस्त्र प्रहरी बल २९ नं जिल्ला हेडक्वाटर ज्वालामाई गढ भालुबाङमा कार्यरत राम बहादुर सुनारका ११ बर्षीय छोरा विवेक सुनार नदीमा डुबेर बेपत्ता भएका हुन् ।

भालुवाङ पुल्चोक स्थित राप्ती पुल नजिकै आज अपरान्ह ४ बजे तिर नुहाउन गएका बेला सो दुर्घटना भएको थियो।

बालकको खोजी कार्यमा सशस्त्र प्रहरी, जनपद प्रहरी र स्थानीय बासिन्दाद्वारा खोजी कार्य भइरहेको ईलाका प्रहरी कार्यालय भालुवाङले जनाएको छ। त्यसैगरी सशस्त्र प्रहरीको गोताखोर टोली पनि प्रचालित भएको ज्वालामई गणका गणपतिले जानकारी गराउनु भएको थियो।