काठमाडौँ । काठमाडौँ महानगरपालिकाभित्रका संस्थागत विद्यालयले पाठ्यपुस्तक तथा स्टेसनरी विक्री गर्न नपाउने भएका छन् ।

महानगरपालिकाको शिक्षा विभागले २०७९ चैत १७ गते शुक्रबार परिपत्र जारी गर्दै यस्तो जानकारी दिएको हो ।

पालिकाका शिक्षा अधिकारी रामप्रसाद सुवेदीको हस्ताक्षरमा जारी उक्त परिपत्रमा विद्यालय आफैले पाठ्युपुस्तक तथा स्टेसनरी विक्री गर्न नपाउने, डे«सकोडको नमुना विद्यार्थीलाई उपलब्ध गराउनुपर्ने र विद्यालयले तोकेको स्थानबाट विद्यार्थीले पोशाक खरिद गर्न बाध्य नहुने नियमबारे स्मरण गराइएको छ ।

संस्थागत विदालय मापदण्ड तथा सञ्चालन निर्देशिका–२०६९ को उपर्युक्त प्रावधान लागु नगरिए कानुनबमोजिम कारबाही गरिनेसमेत पालिकाले जनाएको छ ।