शंकर प्रसाद पोख्रेल, बुटवल ।
अखिल (छैठौं) जिल्ला समिति रुपन्देहीले स्वतन्त्र विद्यार्थी युनियनको चुनाव जितेका दुईजना विद्यार्थी नेतालाई सम्मान गरेको छ।
अखिल (छैठौं) बाट लुम्बिनी प्रदेशकै चर्चित क्याम्पस बुटवल बहुमुखी क्याम्पसको स्ववियु सहसचिवमा सागर बेल्वासे र स्ववियु सदस्यमा सागरजंग एमसी विजयी हुनुभएको थियो ।
बुटवलस्थित राष्ट्रिय जनमोर्चाको कार्यालयमा आयोजित सम्मान कार्यक्रममा प्रगतिशील पत्रकार संघका केन्द्रीय सल्लाहकार सुमन अधिकारीले दोसल्ला र अबिर लगाएर सम्मान गर्नुभएको थियो ।
अखिल (छैठौं) का केन्द्रीय सचिव सरोजमान सिंहको प्रमुख आतिथ्यतामा सम्पन्न कार्यक्रममा कम्युनिष्ट संग्रहालयका अध्यक्ष चेतनाथ आचार्य, वामपन्थी बुद्धिजीवी दुर्गानाथ खरेल, राष्ट्रिय जनमोर्चाका जिल्ला सचिव टान बहादुर केसीसहित नेताहरु अमर थापा, नारायण पुन, सीता बस्याल, शंकर प्रसाद पोख्रेल, दिल्ली रसाइली, राजमो कार्यलय सचिव भीमलाल न्यौपाने लगायतको आतिथ्यता थियो ।
कार्यक्रम अखिल छैठौंका जिल्ला सहसचिव टेकराज भुसालको अध्यक्षतामा भएको कार्यक्रमको सञ्चालन विमल खरेल र स्वागत लक्ष्मण बन्जाडेले गर्नुभएको थियो ।
