उद्धव मगर, दोहा (कतार) ।
कतार नपाली एकता समाजको आयोजनामा एक सय तेह्रौँ अन्तर्राष्ट्रिय श्रमिक महिला दिवस तथा वनभोज कार्यक्रम सम्पन्न भएको छ ।

समाजमा का.वा. अध्यक्ष रामप्रसाद पराजुलीको अध्यक्षता तथा अन्तर्राष्ट्रिय नेपाली एकता समाजका महासचिव लुमाकान्त पुनमगरको प्रमुख आतिथ्यमा मार्च १०, २०२३ शुक्रबारका दिन सो कार्यक्रम सम्पन्न भएको हो ।

कार्यक्रममा अन्तर्राष्ट्रिय नेपाली एकता समाजका महासचिव लुमाकान्त पुनमगर र कतार नेपाली एकता समाजका केन्द्रीय सदस्य जानुका खड्काले मन्तव्य राख्नुभएको थियो ।

कार्यक्रममा समाजका द्वितीय उपाध्यक्ष अमिना खान, सचिवालय सदस्य टुक थापा, केन्द्रीय सदस्य कमल आचार्य, युगदर्शन साप्ताहिक संवाददाता उद्धव मगर, रक्तिम सांस्कृतिक अभियानका अध्यक्ष बलदेव राना र पत्रकार टेकराज थापाको आतिथ्य रहेको थियो ।

त्यसैगरी सो अवसरमा प्रवासी नेपाली मञ्चका बालकृष्ण भित्रिकोटी, जनप्रगतिशील मञ्चका अध्यक्ष बुद्धिप्रसाद भण्डारी, गैरआवासीय नेपाली सङ्घका महासचिव पदम गिरी, नेपाली महिला समाजका उपाध्यक्ष अपसना खान, तनहुँ सेवा समाजका प्रमुख सल्लाहकार नारायाण ढुङ्गाना, अर्घाखाँची सेवा समाजका अध्यक्ष विष्णुबहादुर कुँवर, रोल्पा जलजलाका महासचिव शिवलाल केसी, सन्ध्या ग्रुपकी कल्पना तिवारी, दलित एकता सञ्जालका उपाध्यक्ष प्रकाश विक, दाङ देउखुरी सेवा समाजका संरक्षक वसन्तराज पुरी, नेपाली जनप्रगतिशील मोर्चा कतारका अध्यक्ष रविन पुनमगर, जनसम्पर्क समिति सभापति अजिज अली, अन्तर्राष्ट्रिय नेपाली समाज कतारका अध्यक्ष राजाराम शाही, स्याङजा सहयोग समाज उपाध्यक्ष घनश्याम जैसी, लोक दोहोरी प्रतिष्ठानका कृष्ण ढकाल, गुल्मी सेवा समाज सल्लाहकार अमृत गौतम, कोशी प्रदेश महासचिव निरन नेपाल, प्युठान सेवा समाजका अध्यक्ष केसर केसी, पर्वत सेवा समाजका सचिव सेवक विक, गण्डकी प्रदेश उपाध्यक्ष विक्की विक, पत्रकार महासङ्घ कतार शाखाका सन्तोष केसी, मगर सङ्घ कतार शाखाका सचिव समीर थापा, महिला समाजसेवी अनिता परियारको पनि आतिथ्य रहेको थियो ।

कार्यक्रममा कतार नेपाली एकता समाज मातहतमा रहेका विभिन्न एरिया एकाइका पदाधिकारीको समेत आतिथ्य रहेको थियो ।

समाजका महासचिव खिम बुढामगरले कार्यक्रम सन्चालन गर्नुभएको थियो । सहिदको सम्मानमा एक मिनट मौनधारणपछि प्रमुख अतिथि र महिला अतिथीले द्वीप प्रज्वलन गरी कार्यक्रमको उद्घाटन गरिएको थियो ।

समाजका सदस्य केन्द्रीय सदस्य मीनराज पुनमगरले कार्यक्रममा उपस्थित सम्पूर्णलाई मन्तव्यद्वारा स्वागत गर्नुभएको थियो भने रक्तिम सांस्कृतिक अभियान कतारका कलाकारहरूले गीतमार्फत स्वागत गर्नुभएको थियो ।