चंडिगढ। युगदर्शन सम्वाददाता तथा मूल प्रवाह अखिल भारत नेपाली एकता समाजका केन्द्रीय सदस्य एंव दक्षिण भारत क्षेत्रीय सचिव जनकराज पौडेल पितृ शोकमा पर्नुभएको छ ।

उहाँका बुवा काशिराम पौडेल (पाध्या) को बिहिबार (९ मार्च २०२३) मा ८९ वर्षको उमेरमा निधन भएको थियो । बाग्लुङ जिल्लाको जैमिनिनगर पालिका—७, धुल्लु पल्लाथर आफ्नै घरमा निधन भएको हो ।

उक्त दुःखद निधनप्रति एकता समाज, केन्द्रीय समितिका अध्यक्ष ठाकुर खनालले वक्तव्य मार्फत दुःख व्यक्त गर्दै हार्दिक श्रद्धाञ्जली अर्पण गर्नु भएको छ । साथै, उहाँले शोकाकुल सम्पूर्ण परिवार—जनहरुमा समवेदना प्रकट गर्नु भएको छ ।