मेघराज रिष्मेली, जापान ।
जापान नेपाली एकता समाजले ११३ औं नारी दिवस राजधानी टोकियोमा एक कार्यक्रम गरी मनाएको छ ।
कार्यक्रममा जापान भ्रमणमा रहेका राष्ट्रिय जनमोर्चा बागलुङका सदस्य एवम् जैमिनी नगरपालिका–५ का पूर्व वडाअध्यक्ष गोपाल शर्मा पौडेल र उहाँकी पत्नी जमूना शर्मा पौडेल, एकता समाज क्षेत्रीय समिती कान्तोका अध्यक्ष नारायण कॅंडेल, महिला विभागका हिरा शर्मा गौतमको आथित्यता रहेको थियो ।
सो अवसरमा राजमो नेता पौडेलको देशको राजतीनिक घटनाक्रम र राष्ट्रिय जनमोर्चाको भूमिकाबारे स्पष्ट पार्नुभयो । साथै उहाँले महिला दिवसको महत्वका बारेमा समेत चर्चा गर्नुभयो ।
समाजका उपाध्यक्ष डण्ड सापकोटा केसीले जापान नेपाली एकता समाजको भूमिकाको बारेमा बोल्नुभएको थियो । यस्तै, सुमित्रा शर्मा पौडेलले महिलाहरूको हकहित र नारी दिवस तथा मार्च ८ को महत्वबारे धारणा राख्नुभएको थियो । कार्यक्रममा कान्तो क्षेत्रका नेपालीहरुको बाक्लो उपस्थिती रहेको थियो।
कार्यक्रममको अवसरमा जापान भ्रमणमा रहेका राजमो नेता पौडेल दम्पतीलाई एकता समाजले सम्मान पत्र र खादा ओढाएर सम्मान गरेको थियो ।
जापान नेपाली एकता समाजका अध्यक्ष शालिकराम सापकोटाको अध्यक्षतामा भएको कार्यक्रममा केन्द्रीय सदस्य गोम बुढाथोकीले स्वागत गर्नुभएको थियो भने सञ्चालन समाजका केन्द्रीय सचिव धनराज गौतमले गर्नुभएको थियो ।
