बुटवल । अखिल (छैठौं) धुर्कोट गाउँपालिका गुल्मी–रुपन्देहि सम्पर्क समितिको भेला सम्पन्न भएको छ । शनिबार बुटवलमा सम्पन्न भेलाले निर्मल थापाको अध्यक्षतामा १५ सदस्यीय धुर्कोट–रुपन्देही सम्पर्क समिति गठन गरेको छ ।
समितिको उपाध्यक्षमा अस्मिता जिसि, सचिव काशिराम थापा, सहसचि समिक्षा थापा, कोषाध्यक्ष सरिता खड्का चयन हुनुभएको छ । सदस्यहरुमा नमिता जिसि, विमोचन थापा, मनोज ज्ञवाली, आकाश केसी, सन्ध्या थापा, विनोद थापा, प्रवेश कुँवर, मनोज थापा, विकास जिसि र सुवाश थापा रहनुभएको छ ।
कार्यक्रमको उद्घाटन अखिल (छैठौं) का महासचिव शुवास जिसीले गर्नुभएको थियो ।
कार्यक्रममा विशिष्ट अतिथीको आशनबाट बोल्दै लुम्बिनी प्रदेश सांसद तारा थापाले दुरदराज गाउँबस्तिका सरकारी विद्यालयहरु अव्यव्स्थित रहेका, शिक्षा प्रणाली राज्यले सुधार गर्न नसकेको कारण पहाडी भेगबाट बाल्बच्चाहरु पढाइका लागि शहरतिर पस्न पर्ने अवथा भएको बताउनुभयो । सरकारी स्कूल डामडोल पारेर बोडिङहरुलाई प्राथमिकता दिइएको र शिक्षालाई व्यापरीकरण गरिएको बताउनुभयो ।
राष्ट्रिय जनमोर्चाका केन्द्रीय सदस्यसमेत रहेकी थापाले अहिले देशमा प्रतिगमनको खतराको कायमै रहेको उल्लेख गर्दै धर्मनिपेक्षता, गणतन्त्र तथा राष्ट्रियता खतरामा परेको उल्लेख गर्नुभयो । उहाँले जबसम्म संघीयता रहनेछ, देश झन् पछि झन् आर्थिकरुपमा टाट पल्टने भन्दै संघीयता खारेजी हुनुपर्नेमा जोड दिनुभयो ।
कार्यक्रममा राजमो केन्द्रीय सदस्य रामकुमार क्षत्री, अखिल (छैठौं) का सचिव सरोजमान सिंह, कतार नेपाली एकता समाजका पूर्वअध्यक्ष विष्णु तापा, राजमो गुल्मी जिल्ला सदस्य सूर्य थापा, धुर्कोट गाउँपालिका गुल्मीका सदस्य टिका बहादुर खड्काको पनि आतिथ्यता रहेको थियो ।
निर्मल थापाको अध्यक्षतामा सम्पन्न कार्यक्रमको सञ्चालन अस्मिता जिसीले गर्नुभएको थियो ।
