दैलेख । रक्तिम सांस्कृतिक अभियान दैलेखको ७ दिने प्रशिक्षण बिहीबार सम्पन्न भएको छ ।
यही फागुन ११ गतेदेखि भगतिमाई गाउँपालिमा अन्तरगर–६ गोठी गाउँमा शुरु भएको प्रशिक्षण कार्यक्रम आज बेस्तादा बजारमा प्रयोगात्मक सांस्कृतिक प्रस्तुतिसहित समापन भएको हो ।
समापन कार्यक्रममा प्रमुख अतिथि राष्ट्रिय जनमोर्चाका केन्द्रीय उपाध्यक्ष जनकराज शर्मा र विशेष अतिथि रक्तिम सांस्कृतिक अभियानका केन्द्रीय अध्यक्ष गिरीप्रसाद बुढा लगायतले सम्बोधन गर्नुभएको थियो ।
कार्यक्रममा राजमो भगवतीमाई गाउँपालिका–६ का वडा सदस्य माथवरसिंह ठकुरी र वडा नं १ का सदस्य सन्तबहादुर थापा, रक्तिम सांस्कृतिक अभियानका लुम्बिनी प्रदेश सदस्य तथा नृत्य प्रशिक्षक विजय घर्ती, राजमो दैलेखका जिल्ला सल्लाहकार प्रेमप्रसाद शर्मालगायत नेताहरुको आतिथ्यता रहेको थियो ।
सहिदहरूको सम्झनामा एक मिनेट मौनधारण पश्चात्त कलाकारहरूको प्रयोगात्मक सांस्कृतिक प्रस्तुति रहेको यस कार्यक्रममा राजमो दैलेखका सचिव कृष्ण केसीले स्वागत गर्नुभएको थियो ।
राजमो जिल्ला सहसचिव नरबहादुर सिंहको सञ्चालनबाट अघि बढेको कार्यक्रममा राजमोका हर्कबहादुर रेग्मीको अध्यक्षता रहेको थियो ।
प्रशिक्षण पश्चात टीका शाहीको अध्यक्षतामा ५ सदस्यीय रक्तिम सांस्कृतिक अभियान जिल्ला समितिको पनि गठन गरिएको छ । समितिको सचिवमा सीता सिंह, कोषाध्यक्षमा सीमा सिंह र सदस्यहरूमा कर्ण सिंह,जगत सिंह तथा सल्लाहकारमा नरबहादुर सिंह रहनुभएको छ । प्रशिक्षण समापन सँगै प्रशिक्षकलाई माला र अबिर लगाएर सम्मान गरिएको थियो ।
