काठमाडौं । प्रदेश १ सरकारले प्रदेशको नाम ‘कोशी’ प्रस्ताव गरेको छ । आज बस्ने संसद बैठकमा सो सम्बन्धी नामाकरणको प्रस्ताव पेश हुने भएको छ ।
सरकारको नेतृत्व गरिरहेको नेकपा (एमाले) र प्रमुख प्रतिपक्षी नेपाली कांग्रेसको सहमतिमा प्रदेशको नाम ‘कोशी’ राखेर संसदमा नामाकरण प्रस्ताव पेश हुन लागेको हो ।
यसअघि नामबारे जातीय पहिचानका आधारमा राख्ने कि नदी, भूगोलका आधारमा राख्ने भन्ने विषयमा दलहरू विभाजित थिए । अहिले पनि केही दल कोशी नाममा सहमत छैनन् ।
प्रदेश १ को पहिलो संसद्ले स्थायी राजधानी विराटनगर टुंगो लगाएको भए पनि नामाकरण हुन सकेको थिएन ।
प्रदेश १ सरकारले प्रदेश नामकरणको प्रस्ताव आज प्रदेशसभामा लाने तयारी गरेपछि प्रदेशसभा भवन आसपास क्षेत्रमा सुरक्षा व्यवस्था कडा बनाइएको छ।
पहिचानवादी संघ/संस्थाले प्रदेशको नाम कोशी राख्ने कुरामा असहमति राख्ने सम्भावनालाई ध्यान दिएर सुरक्षा व्यवस्था कडा बनाइएको हो।
