काठमाडौं । स्वीट्जरल्यान्डको जेनेभामा आयोजित संयुक्त राष्ट्रसंघको मानव अधिकार परिषदको ५२ औं बैठकमा पूर्व कानुनमन्त्री गोविन्दप्रसाद शर्मा कोइराला (गोविन्द बन्दी) सहभागी भएका छन् ।
प्रधानमन्त्री पुष्पकमल दाहाल प्रचण्डको शान्ति तथा मानवअधिकार सल्लाहकारका रुपमा उनी बैठकमा सहभागी भएका हुन् ।
नेपाली प्रतिनिधिमण्डलको नेतृत्व गर्दै सोमबार जेनेभा पुगेका कोइरालालाई जेनेभास्थित संयुक्त राष्ट्र संघको कार्यालय र अन्य अन्तर्राष्ट्रिय संस्थाका लागि नेपालका राजदूत/स्थायी प्रतिनिधि मणिप्रसाद भट्टराई र नियोगका अधिकारीले स्वागत गरेका थिए।
नियोगका अनुसार मानवअधिकार परिषद्का अध्यक्ष एचई भाक्लाभ बालेकले परिषद सत्रको उद्घाटन गरेका थिए।
कोइरालाले आज आयोजना हुने परिषदको उच्चस्तरीय बैठकलाई सम्बोधन गर्ने कार्यक्रम रहेको जेनेभास्थित संयुक्त राष्ट्रसंघका लागि नेपालको स्थायी नियोगले बताएको छ।
नेपाली प्रतिनिधिमण्डलमा सचिव श्री सापकोटा, परराष्ट्र मन्त्रालयका सहसचिव सेवा लम्साल, राजदूत/स्थायी प्रतिनिधि र जेनेभास्थित स्थायी नियोगका अन्य अधिकारी सहभागी छन्।
बन्दी सहभागी भएको यही कार्यक्रममा परराष्ट्रमन्त्री विमला राई पौड्याल सहभागी हुने कार्यक्रम थियो । तर, अन्तिम समयमा प्रधानमन्त्री प्रचण्डले उनको भ्रमण रोकिदिएका थिए ।
प्रधानमन्त्री सो व्यवहार ठिक नगरेको भन्दै एमालेले आपत्ति जनाएको थियो भने प्रचण्ड नेतृत्वको सरकारबाट समेत बाहिरिएको छ।
