दिनेश रैदास
दाङ । गढवा १ कालाकाटे स्थित जनता माविको ४६औँ वार्षिक उत्सव विविध कार्यक्रमका बीच शुक्रबार सम्पन्न भएको छ।
विद्यालय व्यवस्थापन समितिका अध्यक्ष चित्रबहादुर महतराको सभापतित्त्त्वमा सम्पन्न वार्षिक उत्सवको समारोहको उद्घाटन प्रमुख अतिथि एवम् लुम्बिनी प्रदेश मुख्यमंत्री तथा मन्त्री परिषद् कार्यालयका मन्त्री माननीय तुलसीराम शर्मा पोख्रेलले गर्नु भएको थियो ।
वार्षिक उत्सव समारोहलाई सम्बोधन गर्नहुँदै पोख्रेलले मानिस प्राणीजगतको सर्वश्रेष्ठ प्राणी भएको र शिक्षा बिना उसको जीवन अधुरो हुने भएकाले शिक्षा आर्जन गर्नु प्रत्येक नागरिकको अधिकार हो भन्नु भयो।
देशमा लोकतान्त्रिक आन्दोलनका साथै शैक्षिक आन्दोलन पनि साथ साथै अगाडि बढेकाले शिक्षाको विकास विना देश विकास नहुने बताउनु भयो।
सोही समारोहमा विशिष्ट अतिथि सविधान सभाका पूर्व सभासद रस्मिराज नेपाली, गढवा गाउँपालिका शिक्षा शाखा प्रमुख श्यामबहादुर विश्वकर्मा, पूर्व प्रा. तथा नेरा मावि भालुवाङका प्रा. लोकेन्द्र केसी, आधारभूत विद्यालय बंघुस्रीका प्रा. राजितराम यादव, नेपाल पत्रकार महासङ्घ लुम्बिनी प्रदेश परिषद् सदस्य महेश रिजाल, विद्यालयका पूर्व अध्यक्ष हरिप्रसद सुवेदी लगायतले शुभकामना मन्तव्य दिनु भएको थियो ।
सहिद प्रति एक मिनेट मौनधारण र राष्ट्रिय गान बाट शुरू भएको वार्षिक उत्सव समारोहमा विद्यालयका छात्रछात्राहररूले पिटी प्रस्तुत गर्नुका साथै गीत नृत्य पनि प्रस्तुत गरेका थिए।
शिक्षक कृष्णबहादुर कार्कीको स्वागत मन्तब्य र सहायक प्रधानाध्यापक भानबहादुर जिएमको सञ्चालनमा भएको वार्षिक उत्सव समारोहमा विद्यालयका प्रधानाध्यापक वासुदेव बेल्बासेले शैक्षिक गतिविधि प्रस्तुत गर्नु भएको थियो।
वार्षिक उत्सव समारोहमा प्रमुख अतिथि माननीय मन्त्री शर्माले विभिन्न विभिन्न खेलकुद तथा शिक्षण सिकाइ र अनुशासनमा प्रथम द्वितीय र तृतीय र सान्तवना हुने छात्रछात्राहरुलाई नगद तथा प्रमाण पत्र बाट पुरस्कृत गर्नु भएको थियो। साथै विद्यालयलाई आर्थिक तथा भौतिक सहयोग गर्नु हुने उत्कृष्ट अभिभावकहरुलाई दोसल्ला ओढाई कदर पत्रद्वारा सम्मान गर्नु भएको थियो।
