खिमराज चालिसे, चंडिगढ ।
मूल प्रवाह अखिल भारत नेपाली एकता समाजका वैकल्पिक केन्द्रीय सदस्य तारा सोमरेले प्रवासका मजदुरलाई नशालु पदार्थ सेवन नगर्न आग्रह गर्नुभएको छ ।
आइतबार हिसारको इन्डस्ट्रियल एरिया अन्तरगत अनाजमन्डिमा आयोजित नेपाली श्रमिकहरुको भेलालाई सम्बोधन गर्दै उहाँले ‘नशामुक्त समाज निर्माण गरौं, सामाजिक अपराधहरु रोकौं’ भन्ने आह्वान गर्नुभयो ।
उहाँले ममता गिरीको घटना पनि नशाको बानीमा लिप्त युवकको कारण भएको स्मरण गराउँदै नशा सामाजिक विकृति भएको बताउनु भयो । सोमारेले नशा विरुद्ध सामाजिक कार्यकर्ता र आम जनसमुदाय समेत बेलैमा सचेत हुनपर्ने धारणा राख्नु भयो।
भेलामा मूल प्रवाह हिसार नगर अध्यक्ष बाबुराम पोख्रेल, सदस्य नन्दबहादुर लमतरी, सुरेश क्षेत्री, रामु शर्मा, नगर महिला बिभागकि संयोजक सीता पोख्रेल, कमला बगाले, दुर्गा शर्मा, उमा लम्तरी लगाएतको विषेश उपस्थिती रहेको थियो।
भेलाले भुपाल कुमालको अध्यक्षतामा १३ सदस्यीय टोल समिति गठन गरेको छ। समितिको सचिवमा सुनिता परियार, कोषाध्यक्ष धन बहादुर, सदस्यहरुमा विशाल विष्ट, विशाल बोहरा, नरेश, पवन अर्याल, लक्ष्मण, विष्णु घर्ती, चेतबहादुर बिष्ट, मिना, महेन्द्र, शालिकराम, खिम बहादुर र दिपक शर्मा रहनु भएको छ ।
मानबहादुर घर्ती मगरको सञ्चालन तथा केहर घर्ती मगरको अध्यक्षतामा सम्पन्न कार्यक्रममा बलात्कारपछि हत्या गरिएकी ८ वर्षीया ममता गिरीको स्मृतिमा दुई मिनेट मौनधारण पनि गरिएको थियो ।
