खिमराज चालिसे, चंडिगढ ।
‘गणतन्त्र र राष्ट्रियताको रक्षा गरौं, संघीयता खारेज गरौं’ भन्ने नाराका साथ नेपालमा चलिरहेको आन्दोलनप्रति ऐक्यवद्धता प्रकट गर्दै मूल प्रवाह अखिल भारत नेपाली एकता समाज नेल्लोर नगर समितिले ऐक्यबद्धता सभा सम्पन्न गरेको छ।
मूल प्रवाह केन्द्रीय सल्लाहकार ठाकुर प्रसाद केसी प्रमुख अतिथि रहेको सभामा नेपालमा संघीयताको औचित्यता नरहेको कुरा बताउनु भयो ।
सभामा दिनेश केसी, ललिता विक, फुर्सी सुनार, भूमादेवी केसी, लक्ष्मण सुनार, गोर बहादुर केसी लगाएतले मन्तव्य राख्नु भएको थियो ।
डिल बहादुर बस्यालको अध्यक्षता तथा देविराम केसीको सञ्चालनमा सम्पन्न भएको कार्यक्रममा स्वागत मेख बहादुर खत्रीले गर्नु भएको थियो ।
राष्ट्रिय जनमोर्चाले हाल देशैभर संघीयताको विरोधमा कार्यक्रम गरिरहेको छ । यस्तै, मूल प्रवाहले भारतका विभिन्न स्थानमा नेपालमा चलेको आन्दोलनप्रति ऐक्यवद्धता सभा गरिरहेको छ ।
