चितवन । रक्तिम सांस्कृतिक अभियान चितवनको जिल्ला भेला तथा वनभोज कार्यक्रम सम्पन्न भएको छ । भेलाले मोहराज चालिसेको नेतृत्वमा ९ सदस्यीय जिल्ला समिति गठन गरेको छ ।
जसको उपाध्यक्षमा कल्पना चालिसे, सचिव एलिसा गौतम, कोषाध्यक्ष कृष्ण केसी, सदस्यहरूमा सूर्यबहादुर थापा, टिकाराम सुवेदी, लक्ष्मी चालिसे, कुशल थापा रआकृति नेपाल रहनुभएको छ । यस्तै, देवी शर्मा, युवराज पौडेल र मन्जु आचार्य गरी तीन जनालाई सल्लाहकार चयन गरिएको छ ।
कार्यक्रलाई सम्बोधन गर्दै रक्तिमका उपाध्यक्ष हेमराज आश्रमले वर्तमान पुँजीवादी समाजमा रक्तिमको चौथो राष्ट्रिय सम्मेलनले गहिरो अर्थ राख्ने बताउनुभयो ।
‘अहिले हाम्रो सांस्कृतिक आन्दोलनमा प्रतिकुल समय चलिरहे पनि हामी जनवादी सांस्कृतिककर्मी तथा योध्दाहरूलाई यो प्रतिकुल अवस्थासँग आत्मसमर्पण गर्ने छुट छैन’ उहाँले भन्नुभयो ।
भेलालाई राष्ट्रिय जनमोर्चाका जिल्ला अध्यक्ष डम्मर पुरीले शुभकामना दिनुभएको थियो ।
देवि शर्माको समापतित्व र पदम वाग्लेको सञ्चालन तथा कृष्ण केसीको स्वागतमा अघि बढेको कार्यक्रममा नेकपा मसाल चितवनका प्रवक्ता मेघराज ढकाल, रक्तिमका केन्द्रीय कोषाध्यक्ष मोहराज चालिसे, रक्तिमका पूर्व सचिवालय सदस्य दानबहादुर थापा, मूल प्रवाह अखिल भारत नेपाली एकता समाजका केन्द्रीय कोषाध्यक्ष मदन शर्माको आतिथ्यता रहेको थियो ।
कार्यक्रममा गत तिहारमा देउसी भैलोमा सहभागी कलाकारहरूलाई सम्मान गरिएको थियो । त्यस्तै, पन्चेवाजा तथा विभिन्न मनोरन्जनात्मक खेलहरूसमेत प्रस्तुत गरिएको थियो । रमाइलो खेलहरुको संयोजन रक्तिमका पूर्वसचिवालय सदस्य दान बहादुर थापाले रमाईलो खेलहरूको संयोजन गर्नुभएको थियो ।
कार्यक्रममा रक्तिमका केन्द्रीय हेमराज आश्रमले ‘हामी एक बनौं, शिशिर चिर्ने जस्ता गीत प्रस्तुत गर्नुभयो भने देवी शर्माले ‘चरि बस्यो’ गीत प्रस्तुत गर्नुभएको थियो । टिकाराम सुवेदी सहितको टोलीले पन्चेवाजा प्रस्तुत गरेको थियो ।
नव निर्वाचित समितिलाई जनमोर्चा जिल्ला उपाध्यक्ष अमर बहादुर क्षेत्रीले बधाई दिनुभयो ।
