कावासोती । राष्ट्रिय जनमोर्चा नवलपुरले “गणतन्त्र, धर्म निरपेक्षता र राष्ट्रियताको रक्षा गरौँ, सङ्घीयताको खारेज गरौँ” शीर्षकमा अन्तरक्रिया कार्यक्रम सम्पन्न गरेको छ ।
राजमो केन्द्रीय सदस्य राजेन्द्र ढुङ्गानाको उपस्थितिमा २०७९ माघ २८ गते शनिबार उक्त कार्यक्रम सम्पन्न भएको हो ।
कार्यक्रममा जनकलाल तिवारीले अवधारणा पत्र प्रस्तुत गर्नुभएको थियो ।
अवधारणा पत्रमाथि विचार राख्दै कार्यक्रममा केन्द्रीय सदस्य ढुङ्गानाले सङ्घीयताको दिनगन्ती सुरु भएको बताउनुभयो ।
अन्तरक्रियामा अखिल नेपाल ट्रेड युनियन महासङ्घ (अन्टुक) का महासचिव शालिकराम सापकोटा, नेपाली काङ्ग्रेसका झपेन्द्र भुसाल, नेकपा (एमाले) का भोजराज दाहाल, नेकपा (माओवादी केन्द्र) का किसन गैरे, नेपाल समाजवादी पार्टीका कृष्ण गौतम, नेकपा (एकीकृत समाजवादी) का शालिकराम भट्टराई, पुष्पलाल स्मृति प्रतिष्ठानका धर्म केसी, निर्मल लामा स्मृति प्रतिष्ठानका पतिराम थनेत र राष्ट्रिय प्रजातन्त्र पार्टीका गुनाखर काफ्लेले मन्तव्य राख्नुभएको थियो ।
सो अवसरमा राजमो केन्द्रीय सदस्य भागिरथ शर्मा, जातीय समता समाजकी केन्द्रीय सदस्य लक्ष्मी विक, तराई मधेस जनवादी मोर्चाका रूपनारायण महतो, राजमो जिल्ला सल्लाहकार होमराज कँडेल, प्रेस युनियनका घनश्याम बगालेलगायतको आतिथ्य रहेको थियो ।
राजमो नवलपुरका अध्यक्ष दीपक पाण्डेको अध्यक्षता, गिरबहादुर महताराको स्वागत तथा जिल्ला उपाध्यक्ष विकाराम चौधरीको स्वागत मन्तव्यका साथ उक्त कार्यक्रम सम्पन्न भएको थियो ।
