चेन्नै (भारत) । दक्षिण भारतको पान्डिचेरी र कोट्याममा मूल प्रवाह अखिल भारत नेपाली एकता समाजले सङ्घीयता खारेजी ऐक्यबद्धता सभा सम्पन्न भएको छ ।
“राष्ट्रियता र गणतन्त्रको रक्षा गरौँ, सङ्घीयता खारेज गरौँ” मूल नारासहित राष्ट्रिय जनमोर्चाले सञ्चालन गरेको एकमहिने कार्यक्रमप्रति ऐक्यबद्धता जनाउँदै पाण्डिचेरी र कोट्याममा सो कार्यक्रम सम्पन्न भएको हो ।
पान्डिचेरीको सभामा केन्द्रीय सदस्य जनकराज पौडेल, प्रतिनिधि चन्द्रकान्त शर्माको विशेष आतिथ्य रहेको थियो ।
कार्यक्रममा क्षेत्रीय सदस्य विष्णु शर्मा, महिला बिभागकी जमुना शर्मा, एरिया समितिकी सबिना आचार्यले मन्तव्य राख्नुभएको थियो ।
हरिबहादुर कार्कीको अध्यक्षता, गोविन्द शर्माको सञ्चालन तथा रवि शर्माको स्वागत मन्तव्यका साथ उक्तm कार्यक्रम सम्पन्न भएको थियो ।
त्यस्तै, केरलाको कोट्टयाममा आयोजित सभामा प्रमुख अतिथि क्षेत्रीय सदस्य दिल्लिप्रसाद शर्माको रहनुभएको थियो ।
