धर्म सुनार प्युठानी, रोहतक ।
मूल प्रवाह अखिल भारत नेपाली एकता समाज नगर समिति रोहतकको आयोजनामा नगरस्तरीय हाजिरी जवाफ प्रतियोगिता सम्पन्न भएको छ ।
कार्यक्रममा हिसार रोड एरिया समिति, महिला विभाग, सिभिल लाइन एरिया समिति, सुभाष नगर टोल समिति, आदर्श नगर टोल समिति, कमल कालोनी टोल समितिले भाग लिएका थिए ।
प्रतियोगितामा राजनैतिक, भौगोलिक, सामाजिक, इतिहासिक र सामान्य ज्ञान सम्बन्धी प्रश्नहरु सोधिएको थियो ।
प्रतियोगितामा हिसार रोड एरिया समितिले प्रथम स्थान हासिल गर्न सफल भएको छ । यस्तै, दोस्रो स्थानमा सिभिल लाइन एरिया समिति र सुभाष नगर टोल समितिले तेस्रो स्थान प्राप्त गरेको छ ।
विजयी टिमलाई अतिथिहरु रेसम विक, गणेश शर्मा र सुभाष गौतमले अबिर लगाएर मेडल र शिल्ड प्रदान गर्नुभयो ।
कार्यक्रममा अतिथि रेसम विकले यसखाले प्रतियोगिता कार्यक्रम वर्षमा २ पटक राख्न सुझाव पनि दिनुभयो ।
नगर अध्यक्ष सुभाष गौतमको अध्यक्षता र धर्म सुनार प्युठानीको सञ्चालनमा सुरु भएको कार्यक्रममा नगर समितिका उपाध्यक्ष उषा विकले स्वागत गर्नुभएको थियो।
