काठमाडौं । सुर्खेतको वीरेन्द्रनगर नगरपालिका वडा नं ४ की १५ वर्षीया बालिका स्मृति तिमिल्सेना ब्लडक्यान्सरसँग जुधिरहेकी छन्।
सुर्खेतको जनमाविमा कक्षा ९ मा अध्ययनरत स्मृतिको हाल कान्ति बाल अस्पताल काठमाडौंमा उपचार भइरहेको छ ।
केही दिनअघि स्वास्थ्यमा सामान्य समस्या देखिएपछि सुर्खेतस्थित कर्णाली अस्पतालमा उपचारका लागि भर्ना गरिएको थियो । सुर्खेतमै ब्लडक्यान्सर पुष्टि भएपछि उनलाई चिकित्सकले काठमाडौं रिफर गरेका थिए ।
बालिकालाई ब्लडक्यान्सर भएपछि सामान्य आर्थिक स्थितीको उनको परिवार समस्यामा परेको छ । बालिकाका बुवा भोजराज उपाध्याय तिमिल्सेनाको गतवर्ष भारतको बम्बैमा दुर्घटनामा मृत्यु भएको थियो । घरमा उनकी आमा जमुना र १२ वर्षका भाइ सुभम् मात्रै छन् ।
तिमिल्सेना परिवार वीरेन्द्रनगरमा डेरा गरी बस्छन् ।
बालिकाको उपचारमा समस्या परेपछि आर्थिक सहयोगको अपील गरिएको उनका आफन्त धर्मराज उपाध्यायले बताउनुभयो । बालिकालाई बचाइदिन आग्रह गर्दै उहाँले सबैबाट सक्दो सहयोगको अपेक्षा गरेको बताउनुभएको छ ।
आर्थिक सहयोगको लागि जमुना कुमारी उपाध्यायको नाममा रहेको सनराइज बैंकको खाता नं ०६५०६९६२३१२०२००१ मा रकम जम्मा गरिदिन हुन वा अस्पतालमै रहेका बालिकाका आफन्तलाई सम्पर्क गर्न परिवारले आग्रह गरेको छ । त्यसका लागि आमा जमुना (९८६९९७४३१०) वा ठूलोबुवा धर्मराज उपाध्याय (९८६८१८७७८०) मा सम्पर्क गरिदिन आग्रह गरिएको छ ।
